喊住剝 分手 4個月 吳雨霏喊爆 bra 吳雨霏,MF,

2013年11月6日星期三

喊住剝　分手 4個月　吳雨霏喊爆 bra 吳雨霏,MF,

Kary今次親自設計形象，連借衫都唔假手於人，睇得出好緊張隻新碟喎！

真面目

喊住剝　分手 4個月　吳雨霏喊爆 bra

跟餘文樂分手之後， Kary吳雨霏沉靜不少，叠埋心水籌備新專輯，新歌〈今夜煙花燦爛〉亦是「樂雨戀」的寫照，難怪由監製、拍 MV，甚至拍唱片封套， Kary都堅持參與。拍攝新專輯《 State Of Mind》的封套時，本刊到影樓探班，身形 fit爆的 Kary親自揀選服飾，透視、 deep V、 bra-top都有，終於回復狀態。

Kary說跟餘文樂的感情已經放低，跟對方再見亦是朋友；但拍攝中途， Kary突然爆喊，她說︰「一段感情完咗，當然會唔開心，但我只可以畀自己唔開心一段短時間。」舊嘅唔去，新嘅唔來嘛！

其他影片

為咗影今次唱片封套照片， Kary真係去到盡，除咗喊爆 bra，仲雙手掩胸大露背添！

今年 2月 14日情人節，餘文樂和 Kary被本刊發現同遊赤柱，揭發兩人已暗撻 3個月。「樂雨戀」初時愛得高調，先蜜遊英國，餘文樂更出動 340萬的林寶堅尼超級跑車載 Kary外出食飯。

「可以處理得好啲」

今年情人節，本刊拍得 Kary跟餘文樂同遊赤柱，戀情曝光，可惜只維持半年。

6月尾， Kary發聲明宣布跟餘文樂分手，半年情玩完。分手 4個月， Kary對本刊再剖白：「𠵱家係好朋友，其實當時係可以處理得好啲，分手原因真係唔多講喇，一段感情完咗，當然會唔開心，但我只可以畀自己唔開心一段短時間。」新歌〈今夜煙花燦爛〉令人聯想到她與餘文樂分手感受， Kary說這段時間，她唱任何歌都會對號入座，但就坦言新碟的歌曲都是她近年的情感生活。

跪地爆喊

新碟由監製、揀歌、形象， Kary都有份參與，是因為她希望把自己最真實的一面展示，當日更把長髮剪短，看來是要把煩惱絲剪短。 Fit爆的 Kary首次做 art director，揀的服飾都不乏性感，其中一個 look， Kary更要扯高外衣，露出黑色 bra，她更自豪地說︰「我都有啲腹肌㗎！」

拍攝中途， Kary突然跪在地下爆喊，台灣專程來港的名攝影師阿瑜，馬上把握機會拍攝。事後 Kary解釋︰「大家都想拍到一張真實嘅相，攝影師喺我耳邊講咗啲嘢，我自己又諗到啲嘢，就喊到收唔到聲。」問 Kary諗起什麼？她就口硬唔講！問她的情傷是否已康復？她說：「還可以啦，分手係大家都唔想發生，但人要向前望！」 Kary跟餘文樂的戀情，唔覺意被《 Face》揭發， Kary直言，下次拍拖未必會公開，咁真係要小心啲喇！