苟芸慧keep住靚箍實男友
苟芸慧於加拿大返港多年，自2009年勇奪華裔小姐冠軍後工作不斷，加上她樣子甜美、性格溫順又有魔鬼身材，是不少人心目中的女神，除了唯一公開的前度港男羅天宇，近年她緋聞不絕，先有鄭嘉穎、謝天華，到近期的高鈞賢、郭富城……看似精彩的港式生活，她卻原來毫不喜歡，更嚴重缺乏自信，揚言若與圈中人拍拖，便要keep住靚，才會有安全感。一度活在低穀中的她，近日臉上重現開心笑容，她承認看開一點、放下一點，就是放自己一馬。
我的體會……
人係好軟弱，好似呢套劇咁，精神科醫生都係人，但佢自己都搞唔掂自己情緒。我覺得人一定要享受生命，香港人太快，但係真係嚟唔切享受過程，我嚟咗香港咁耐都慣咗，但唔係鍾意，只係妥協。我覺得所有嘢都好急，個心唔可以安靜落嚟，呢個生活穀到大家咁，結果係咪好呢？未必！我知道末來都唔會有空間、時間畀我去思考、停落嚟，不過我都努力爭取緊自己嘅空間。以前運動、音樂方面我都好有滿足感，好似騎馬、打golf、吹笛同拉小提琴，我依家都好想重新拉小提琴，呢啲先似番有啲生活，唔想全部時間只係擺喺事業上，可以令我思考上有釋放。
苟芸慧
我的快樂……
不過食得鹹魚抵得渴，入得呢行都明白，當係一個dream，要適應令自己舒服，其實我睇開咗好多嘢，亦睇淡咗好多嘢，一個前輩同我講過，認真你就輸，要識得放低，亦有個前輩同我講「係你就係你，唔係你就唔係你」，唔太執著反而會更開心。我諗通咗好多嘢，放自己一馬，當然做番自己係舒服。所以你見我開心咗好多，連笑容都由心而發。好似我媽咪咁，以前林青霞的經理人打算簽我媽咪，做林青霞嘅小師妹，不過最終佢選擇同爸爸一齊，仲好後生就同我爸爸結婚、生BB。佢有冇後悔呢？都有少少，所以媽咪想我做佢以前想做嘅嘢，佢幫我報名參加華裔小姐，完成佢嘅夢想，依家佢見我有成績，佢都好開心，總之佢同爸爸開心我就開心嘞！
多次合作的高鈞賢跟苟芸慧今年3月被本報踢爆於黃長興婚宴上態度曖昧。 
苟芸慧早前跟郭富城拍廣告而傳撻著，雖她已視之為「爛桃花」，但近日仍成為焦點。 
羅天宇（右）是苟芸慧唯一公開過的男友，可惜兩人情已逝。
你問我多人鍾意係煩還是係享受？由細到大我都係好怕麻煩嘅人，所以我好順得人，唔好聽啲就係「家嫂性格」！不過依家我學緊say no，不過都有排學，要明白say no唔係一定唔好，如果你問我會唔會對冇興趣嘅追求者決絕say no呢？我就覺得timing好緊要，如果有緣分，但timing唔啱，係另一回事。
苟芸慧近日心情好轉，看她在新劇宣傳上的興奮舉動便知。 
<
苟芸慧曾因被傳「車震」一事而當眾委屈落淚。
後記：
哪個女生不想有另一半寵愛？不過苟姑娘坦言現階段也很難識到非娛圈的人，至於這行的人，她評價大多圈中人都太情緒化、太有主見，坦言很難去夾：「總之呢行嘅人變得好快，對我呢啲真係好缺乏安全感嘅人嚟講，真係唔得嘅。不過我都有兩個諗法，一係我唔搵呢行嘅人做另一半，二係我自己要對自己有信心，keep住靚、charming，建立番自己信心，就自然會有安全感。」
口述：苟芸慧
筆錄：影視組
攝影：劉智源
場地：九龍香格里拉
服裝：iBlues
.苟芸慧keep住靚箍實男友
http://veryy8.blogspot.com/2013/03/keep.html.苟芸慧keep住靚箍實男友
http://veryy8.blogspot.com/2013/03/keep.html
