張國榮驚爆「最後訊息」
張國榮驚世message月底揭盅
天王巨星張國榮（哥哥）不經不覺已逝世十年，歌迷對哥哥的思憶懷念長存心裏，一個埋藏了十年的message，將在三月三十一晚給歌迷驚爆出現，這個「驚世」message乃哥哥留給大家最後一個重要message！
今年四月一日是張國榮（哥哥）逝世十周年，歌迷對哥哥的思念從未間斷，哥哥生前好友兼經理人陳淑芬在三月三十一日將在紅館舉行一場「繼續寵愛‧十年MISS YOU MUCH LESLIE」紀念演唱會，陳淑芬叮囑歌迷要準時入場，因為演唱會開場她要為哥哥向所有「哥迷」傳達一個好重要的message（訊息），陳太說：「係哥哥最想同大家講嘅massage，（關於咩？）關於佢自己。」
張國榮逝世十年，至今仍受萬千歌迷愛戴。
陳淑芬早前現身為哥哥舉行的紀念騷記招。
唔敢同唐唐講
陳太驚爆哥哥留下了一個訊息，她說：「呢件事放喺我心裏面十年，呢十年我都唔知用咩方式去講，早兩、三個月前一晚，突然間有個畫面，我就諗點樣將呢個message表達畀大家知，如果今次唔講，可能呢世都冇咁嘅機會去講。」這個重要message可是哥哥遺言？陳太說：「唔好講遺言，係哥哥最後一個message畀大家。」
問這個message有多少人知道？陳太坦言在哥哥出事後年幾兩年，她曾向一個人提過哥哥這個message，她說：「但呢個人唔係唐唐，（哥哥摯友唐鶴德），我唔敢同佢講住。」
藝人自薦獻唱
據知當晚有很多歌手出席參與演唱，但陳太基於不想給人宣傳感覺，拒公布演出名單，她只透露應有超過十五個歌手藝人演唱，她說：「仲有好多歌手好有誠意打嚟話可唔可以參與。」至於演唱會是否跟無綫直播，陳太表示一切未落實，目前正跟轉播媒體洽談中。
.張國榮驚爆「最後訊息」
http://veryy8.blogspot.com/2013/03/blog-post_3669.html.張國榮驚爆「最後訊息」
http://veryy8.blogspot.com/2013/03/blog-post_3669.html
