陳展鵬寧贏口碑唔恨視帝
無綫劇《心路GPS》收視偏低，擔大旗的陳展鵬則力撐有深度，認為口碑最緊要。愛試新鮮事的他望參演超時空片，更已構思多個劇本，但目前先專注做演員，不過其目標居然不是當「視帝」，一心只想拍好劇！
近日無綫劇集愛以強姦、露肉搶收視，《雷霆掃毒》和《法網狙擊》等均破30點，播放中的《心路GPS》成績則未如理想，最低收視更達23點，男主角陳展鵬卻未被打沉，他力撐該劇有深度「開心或爆炸呢啲咩人都鍾意睇，因為有娛樂價值，但我哋有反思、反映社會問題。雖然成績係重要，但口碑先最緊要，作為演員都希望拍有深度嘅嘢。（觀眾胃口養大咗？）其實都需要，但公司咁多套劇唔可能套套都咁，好多人成日批評我哋冇教育意思嘅嘢，我哋都要迎合所有觀眾口味。香港觀眾好慢熱，尤其習慣咗嘅嘢要改唔係咁易，但唔好話大眾唔認同嘅嘢就縮，不斷表達實Okay。」
陳展鵬但求拍好劇，反而不大看重能否贏得視帝。
對幕後甚感興趣的展鵬手上已準備多個劇本。
想拍科幻劇
展鵬表示愛試新鮮事，除希望透過劇集帶出些訊息外，更想拍超越時空題材的劇集，例如殭屍片，「依家拍劇冇咗好似《倩女幽魂》嗰種意境，太寫實，我覺得可以拍番呢類有空間幻想、超現實嘅，希望自己可以參與到。（想拍涉及政治話題？）政治嘅我都想，但要睇題材得唔得，其實我已有兩、三個劇本在手。（轉做幕後？）我鍾意o架，但太遠唔諗住啦，依家做演員仲有好多嘢要學習同嘗試。」
創意最重要
由亞視過檔無綫的展鵬，直言現在較以前空間更大，「因為大公司資源好，有好多觀眾會睇，返嚟好多feedback，知道自己有咩可以進步同缺點。（想爭視帝？）我冇諗呢啲嘢、亦唔渴望，以前做運動員都冇諗住攞冠軍，當做好本分、裝備好自己，自然就會有冠軍，即使輸都心甘命抵，贏咗係個光榮。（攞獎唔係目標？）我目標唔係呢度，當你係個creative嘅人就唔係睇個獎，好似徐克、許鞍華都唔係諗住攞獎而拍戲，我諗住拍戲去反映、表達一啲嘢，獎畀到我咪要囉。」
未敢自認筍盤 陳展鵬做女也選馬國明
陳展鵬擔正的劇集《心路GPS》，以家庭倫理為主題，展鵬接受本報專訪時，坦言對於這類要觀眾思考內容的冷門題材，收視難免有影響，不過他堅持電視要有這類劇集存在。對於近期繼馬國明後被指電視城另一筍盤的他，笑言若是女生也會選馬明，更坦言樂於做多產男主角，暫時努力工作，未心急談情。撰文：杜淑霞 攝影：張詠森
展鵬對於《心路GPS》收視僅屬一般，平均只有26點收視，他認為是意料中事，「但係呢類劇一定要有，要有番啲正面訊息畀觀眾，好似我喺加拿大嘅朋友，本嚟同喺香港嘅父母關係好差，睇完個劇都忍唔住打番嚟畀佢哋，呢啲可能比收視更重要。」
享受主角自主權
展鵬自擔正後，近期更成為最多產男主角，一年內已拍了五個劇集，對於有望在頒獎禮得到更多提名，他對獎項看得很淡，「我更加重視觀眾點睇，如果你投入度係二百分，無理由觀眾感受唔到六、七十分。我最享受?家位置可以決定權多啲，譬如《心路》有場我鬧珠姐（陳秀珠），我夠膽加咗助語詞落去，咁做係比較踩界。」
事業雖然漸上軌道，但36歲的展鵬未有成家立室的打算，「結婚要再努力啲做嘢先啦！我想搵同我一齊鍾意做運動同煮嘢食嘅女仔，但係真係想了解下身邊啲女仔都冇時間！（你係馬明外另一筍盤？）馬明先係筍盤，佢真係好乖仔，好純品！如果我係女仔都會揀佢做對象，唔會揀自己。」
展鵬坦言，當上主角後有更大自主權。 
展鵬因工作太忙，未有時間搵拍拖對象。
.陳展鵬寧贏口碑唔恨視帝
http://veryy8.blogspot.com/2013/03/blog-post_7630.html.陳展鵬寧贏口碑唔恨視帝
http://veryy8.blogspot.com/2013/03/blog-post_7630.html
