2013年2月26日星期二

《心路GPS》港女劉蔚萱狂呼「阿B」網民：好煩呀

雖然TVB劇《心路GPS》好悶，不過當然仍然都有觀眾捧場嘅，呢套劇其實都有話題o架，之前神獸天使「嘴刁雕」劉蔚萱就係拍呢套劇，畀導演張永豪以膠袋笠頭同推埋牆，張永豪即時被全城鬧爆。

原來劉蔚萱喺心路GPS做一個叫可兒嘅港女，同張振朗演嘅敏聰(阿B)做情侶，阿B老竇剛過身，媽媽司棋姐好傷心，而且老公過身後司棋姐只能以遺產同現有物業生活，所以阿B想同可兒結婚買樓，即刻有困難。

不過阿B竟然同可兒夾計喺阿媽面前扮可憐，冇樓揸手嘅可兒經常阿B前阿B後，落咀頭令司棋姐做抵押，睇到網民嬲爆，一來呢種港女一向係宅男公敵，仲要一邊「阿B阿B」咁公主病話要食日本嘢(港男對港女嘅印象)而唔同阿媽食飯，噚晚好多網民都係fb同網站鬧爆呢位「可兒」，仲有網民好似好感同身受咁話:「依啲女人若果同佢結婚一定有排受，唔想離婚既話，咁就一世架啦，做老公果個就注定做老婆奴」

入咗行咁耐，劉蔚萱最為人留意嘅演出肯定係今次啦!不過，大家都彈佢做得乞人憎同時又冇演技囉!

阿B~~~~~~~~~~~~

阿B?你鬧我?

BBBBBBB…..要B幾多次?

扁嘴鳥。

加埋典地情節，應該會更match。

對白唔多，但B咗好多次!

網民睇完《心路GPS》，見到可兒火都嚟埋。