《食為奴》造型
《食為奴》祖藍剃頭 萬綺雯做賣藝女
王祖藍、萬綺雯、小寶、張繼聰幾位《老表，你好嘢！》班底走紅後，接住又開無綫古裝新劇《食為奴》，套劇舊年喺節目巡禮中係由林峯、吳卓羲、陳法拉等演繹，但係如今面目全非，換咗老表班底，皇帝之位就由黃智賢頂咗林峯，卡士好大差異。
今日一班演員喺將軍澳電視廣播城造型，小寶著起古裝束咗個髻仔，更加圓潤鬼馬，佢今次都係發揮食嘅本色，仲要做一位近身侍婢。祖藍、張繼聰同高鈞賢通通要剃頭做光頭仔，仲齊齊將啲剪咗嘅頭髮放上微博哀悼。
「長腿姐姐」萬綺雯就做街頭賣藝女，被迫同祖藍結婚，但實情佢係飾演廿五、六歲嘅女仔又暗戀張繼聰，祖藍笑佢呢段係忘年戀，睇落兩個默契十足，祖藍仲教萬綺雯要喺無綫立足要同人打交道去巴結其他人，所以首要係破除老表小圈子。對於之前祖藍踩過界撈埋製作被彈，佢話：「今次係人揀我，劇本選角都冇份參與，唔可以下下咁恐怖，畀人話仲唔夠咩，要聽話，今次齋做演員。」
咁多位都係《老表，你好嘢！》原班人馬。 
萬綺雯今次鍾意咗祖藍同聰，點揀呢？
黃智賢執林峯二攤擔正做主角
[15:32] 2013/02/26
【on.cc 東方互動 專訊】 藝員黃智賢在將軍澳電視城為新劇《食為奴》試造型，此劇拍攝巡禮時本由林峯和吳卓羲做主角，但如今則由黃智賢和王祖藍頂替，近來少有擔正主角的黃智賢說：「巡禮時嘅林峯同吳卓羲都換曬，嚴格嚟講我唔係第一次做男主角，《真命天師》已經做過主角，今次因為林峯、吳卓羲推戲，機緣巧合接到。」
王祖藍被鬧怕唔敢再編劇
[16:20] 2013/02/26
【on.cc 東方互動 專訊】 藝員王祖藍、萬綺雯、張繼聰等在將軍澳電視城為新劇《食為奴》試造型。祖藍在劇集《老表，你好嘢！》中自編自演，遭其他編劇狂插踩過界，祖藍語帶雙關指今次「零」參與幕後製作：「仲未畀人話夠咩！今次齋演。」萬綺雯笑謂事前煞有介事問監製為角色設定的年紀，她笑說：「監製話角色係25、6歲，唔好再話我係中女喇！」
日期： 26/2/2013
劇集： 《食為奴》（暫名）造型
監製：黃偉聲
編審：蕭朗
藝員： 萬綺雯 、 王祖藍 、 張繼聰 、 高鈞賢 、
黃智賢 、 歐瑞偉 、 陳國邦 、 秦煌 、
吳香倫 、 李家聲 、 張振朗 、 嶽華 、
小寶 、 李豪 、 何雁詩 、 林盛斌 、
餘子明 、 鄭家俊 、 呂珊 、 黃得生 、
蔣志光 、 胡諾言 、 於洋 、 黃建東 、
何偉業 、 王俊棠
時間： 12:30
地點： 將軍澳電視廣播城一廠灰位
.《食為奴》造型
http://veryy8.blogspot.com/2013/02/blog-post_2769.html.《食為奴》造型
http://veryy8.blogspot.com/2013/02/blog-post_2769.html
