靠《老表》龍年爆紅 王祖藍綺雯望來年不做懶蛇
由王祖藍一手策劃的劇集《老表，你好嘢！》，叫好叫座，不但令祖藍才華再度受到注視，更令剛過檔的萬綺雯人氣再度急升。展望蛇年，祖藍當然最想剛宣佈開拍續集及電影版的《老表》，本周五（年廿八）播出的大結局，能夠有望收視達到40點以上，連蚊蚊都願意著泳衣贈興。談到新一年願望，祖藍希望多儲彈藥，不論是放在創作上以及新屋上；至於蚊蚊就希望嘗試更多不同角色，齊齊不做懶蛇。撰文：杜淑霞攝影：畢紹基 化妝：Herman Ng（萬綺雯） 髮型：Domanic Tao @O4（萬綺雯） 服裝：Collect Point（王祖藍）、Laurel（萬綺雯）場地：MM/H（皇室堡15/F）（萬綺雯） 賀年飾物：Huron Design & Production（王祖藍）
對於日前《老表》監製黃偉聲宣佈將開拍續集及電影版，祖藍對於「親生仔」有好成績既驚且喜，但對於是否嘗試參與創作工作時，他則表示，「啱啱先知，好多嘢都未諗，等坐低傾下先啦！」至於女主角蚊蚊對於這個好消息相當高興，「我好鍾意同呢班同事合作，希望到時係原班人馬啦！」
祖藍望買屋娶老婆
祖藍形容龍年是「臥虎藏龍」的一年，「我有大半年收埋咗自己寫《老表》，幕前工作真係少咗好多，連公司都話我少咗人氣，好彩年尾《老表》出街，先至賺番少少聲勢，條龍先至露番出嚟咋。」
展望蛇年，祖藍希望可賺回龍年失去的，「過去呢年真係賺少咗好多，希望今年會賺番多啲。同埋花咗太多時間寫劇本，喺《老表》演得唔好，希望今年自己會演番多啲人哋嘅作品，好似嚟緊會拍清裝劇《食為奴》，仲有會拍葉念琛電影，吸收番多啲新材料，等儲多啲嘢將來創作用。」談到跟李亞男的婚事，祖藍坦言不會在蛇年發生，因要先買大屋先肯娶老婆，「我同屋企人仲睇緊屋，但係唔心急，要好有眼緣先得，同埋都想儲多啲錢先，因為?家都係掹掹緊咋！」
蚊蚊覺得龍年如坐過山車，因為來到新環境拍劇感覺很新鮮，「心情真係上上落落，由最初戰戰兢兢到迷惘，到發覺大家都很接受我、照顧我，已經好快融入呢個大家庭，?家套戲有好成績，感覺開心更加倍啦！」
蚊蚊望爺爺身體健康
踏入蛇年，蚊蚊最希望可以嘗試多些不同角色，「o依家對公司好有歸屬感，每日返工都過得好開心，來年希望嘗試多啲嘢，咩角色都無所謂，我覺得自己仲有好多空間。」談到家庭，蚊蚊未有計劃跟老公陳十三造人，最希望爺爺身體健康，「佢90歲啦！屋企啲老人家年紀愈嚟愈大，希望佢哋今年繼續健康。新年都唔會同老公二人世界住，會陪咗屋企人先，因為三月又要拍新劇《食為奴》，同祖藍同張繼聰再合作。」
蚊蚊祝各位讀者，蛇年「鴻福齊天」！ 
祖藍祝各位讀者，蛇年「萬事如意」！
.靠《老表》龍年爆紅 王祖藍綺雯望來年不做懶蛇
http://veryy8.blogspot.com/2013/02/blog-post_7711.html.靠《老表》龍年爆紅 王祖藍綺雯望來年不做懶蛇
http://veryy8.blogspot.com/2013/02/blog-post_7711.html
