42歲萬綺雯：趕生蛇仔！
忽然1周 第915期
大封面
靈蛇護身 最後衝刺
加盟無綫後的第一套劇《老表，你好嘢！》叫好叫座，萬綺雯（蚊蚊）紅爆師奶界，現在人人叫她「易姑娘」。對於「老表效應」，她受寵若驚。
42歲的萬綺雯與編劇老公陳十三過了13年二人世界，依然未放棄生B計劃。上周五（1日）她為本刊拍賀年封面時，玩住蟒蛇仔大講夫妻相處之道：「就算幾忙，我哋都堅持每年最少去一次旅行。今年我會同老公去芬蘭睇北極光，隨時趕到生蛇仔o架！」
冧得掂師奶，拍劇當然陸續有來。萬綺雯工作咁忙都掛住同老公造人，無非想作最後衝刺。預祝蚊蚊睇住浪漫的北極光「一擊即中」啦！
蛇腰長腿
上周五（ 1日）蚊蚊到影樓拍攝賀年封面照，當然要騷招牌 42吋長腿。不過兩條蛇好活躍四圍竄，攝影師又怕蚊蚊會走光，一度清場拍攝，最後順利完成，蛇仔收工繼續冬眠。
以往由亞視過檔無綫的藝人，一般都要經過時間洗禮，令觀眾忘記「亞視人」身份，才可融入 TVB大家庭。但萬綺雯去年加入無綫即被安排夥拍郭晉安做《老表，你好嘢！》女主角，接住的《好心作怪》再演三哥苗僑偉老婆，又做女主角，明顯萬綺雯已躋身無綫一線花旦之列，入曬屋。
劇接劇又要做宣傳，萬綺雯最近忙到不得了，不過她無時無刻都會掛住老公。上周五（ 1日）為本刊拍攝賀年封面時，萬綺雯一邊玩蛇，一邊提及編劇老公陳十三。她說這段時間見同事多過見老公：「呢年我見老公少 咗，反而會更加珍惜相處時間，我 哋結婚咁耐從未嗌過交，無所不談。兩公婆嘛，冇秘密 嘅！」
兩蛇任舞
大蛇阿 Cat與 BB蛇 Baby都好跟蚊蚊，三位主角連續拍攝超過兩小時，毫無倦意。蚊蚊仲愈影愈起勁。
炮仗怕怕
蚊蚊自爆最怕突然間爆破的物件：「我好驚氣球，成日覺得佢會爆。燒炮仗？我諗都未諗過，我知呢串係假，先夠膽行埋去咋，真炮仗咪搞我呀！」
睇住北極光造人
萬綺雯同老公陳十三近年各有各忙，蚊蚊忙拍劇，陳十三為自己經營的製作公司中港兩邊走。雖然聚少離多，但依然恩愛。
結婚十三年雖然未有所出，但原來萬綺雯從未放棄生 BB計劃：「我一向順其自然，唔會刻意去做一樣嘢，我同老公身體健康絕冇問題。我一直有個心願，就係去睇北極光，老公應承今年陪我去芬蘭三個禮拜。我上網 check過，呢兩年 嘅北極光特別強，好容易見到，到時又可以坐埋破冰船。 喺咁開心嘅環境之下，如果努力造人，隨時趕到生個蛇仔喎，哈哈！」就連玄學家麥玲玲都批萬綺雯蛇年有喜非難事，麥玲玲說：「只要蚊蚊到外地旅行，再刻意啲（計算排卵期）就好易中，尤其下半年機會更大。」
萬綺雯今次影賀年封面，為迎合蛇年，特別搵來五歲大的球蟒（ Cat）及半歲蟒蛇 BB（ Baby）一齊做主角。萬綺雯二話不說便接過兩條蟒蛇，放在身上任牠們左穿右插。原來她與蛇自小結緣：「我細個成日去婆婆錦田度住。 嗰度有好多蛇，公公有同我講要小心 啲顏色鮮艷 嘅蛇，愈靚愈毒。不過我都係唔驚，照追住 啲蛇玩，哈哈！」
《老表》演員逐個數
萬綺雯細時唔知驚，當毒蛇係朋友一齊玩。好彩入 TVB識到班「老表朋友」，個個都 friendly兼個性獨特。她在記者面前逐個數：「安仔好善良，佢係視帝但冇架子。我初嚟步到佢都好照顧我，係絕世好男人！祖藍就好聰明，周身刀好似乜都識咁，冇佢唔掂呀！張繼聰呢，起初以為佢係一個普通 嘅唱作歌手，合作過先知佢咁搞笑，咁有才華，每一個動作都充滿節奏，有 bit嘅！肥妹小寶份人好簡單，佢拍劇會帶大量零食請人食，好搞笑。至於鬼妹就跳舞超勁，未埋位時會跳番兩 part舞，睇到我眼都凸。」
樂天又平易近人的萬綺雯，好快會有另一班新演員朋友，因為三月她便會接拍古裝劇《食為奴》演打女，同劇演員包括王祖藍、胡定欣、黃智賢，完成拍攝後她會放下所有工作，偕老公出發到芬蘭睇北極光造人，加油呀！
少女索 look
好多人話蚊蚊食了防腐劑，現場見過真人後確有同感。加上拍攝場景放滿心形氣球，如此少女情懷 feel，難怪 42歲的她仍可與無 綫花旦們爭一日之長短。
破例性感
蚊蚊平時守身如玉兼走實力派路線，今次肯為本刊破例露少少，只因身上那條裙，買下一年有多卻從沒穿過。均勻身材加長腿，真係令人羨慕。
做善事被圍
蚊蚊在《老表、你好嘢！》飾演社工，現實中她亦不時出席義工活動。日前她便前往醫院派福袋，一出現便受到包圍，個個叫她做「易姑娘」。她更即晚在微博上載活動合照。
大團圓結局
《老表，你好嘢！》因選角出色有新鮮感，深受觀眾歡迎。上周平均收視維持 30點（約 193萬觀眾），最高收視 33點（約 212萬觀眾），劇集老少鹹宜當然是大團圓結局，萬綺雯與郭晉安雖然被阿 Bob從中作梗，搞到求婚失敗，但最終都排除萬難步入教堂，蚊蚊仲獻出了在無 綫的處女初吻 ?！
啜爆
求婚
行禮
蛇女無懼
蛇雖然野性難馴，有些品種更惡毒無比，但歷年有不少女星夠膽挑戰大蛇，甚至與蛇共舞。
淫蛇捐「珊」窿
05年李珊珊身穿泳衣把弄一條身粗 3吋的「過山烏」，當中不乏撫摸蛇頭及大蛇從她兩腿穿出來的鏡頭。結果多個鏡頭遭無綫禁播，被指意識不良。
蛇纏「警鐘胸」
10年， Jessica C.為拍處女寫真，借來造型師的黃色粟米蛇影相，她全裸橫瞓在草地上，盡騷半球及臀部，黃蛇隨意在其身上爬行，非常大膽。
中門大開迎巨蟒
Ana R.早前為一本英文雜誌拍攝蛇年封面，身穿 deep V白長裙的她，中門大開與重 30磅的大蟒蛇一起拍照，更任由大蛇在其胸前蠕動取暖。
後記：蚊與蛇
拍攝當日，由蛇女 Amber帶住真蛇到場 嗰刻全場??嘩鬼叫，好彩萬綺雯膽生毛，一見即捧上手玩餐飽，仲將條 BB蛇當手 鈪咁戴上手。
影咗兩個幾鐘，百厭 BB蛇開始無電唔再鬱，條大蛇就鬧情緒四圍走，令本來手到拿來 嘅萬綺雯大叫求救：「哎呀！我搞佢 哋唔掂呀！快 啲過 嚟幫手！」蛇女 Amber話：「阿 Cat同 Baby都係球蟒蛇，冇毒，好乖好馴良，絕對唔會咬人，放心！」
其實蚊蚊冇驚過，與蛇共處期間大部分時間都控制自如，連蛇女 Amber都話蚊蚊好掂！
大家見到蚊蚊身後的紅色氣球散落得好自然，其實鏡頭外有兩位壯男不停咁拋，每拋一次只能影到一格相，辛苦曬。
向來愛貓如命的蚊蚊，抱蛇好似抱貓一樣，仲不時輕撫佢，咁舒服，係人都想做條蛇啦！
人與動物合照向來特別困難，好彩蛇女 Amber（左）全程在旁出手，咪睇小兩條蛇仔，原來佢 哋都好好力水o架！
撰文：高智翹
攝影：袁家樂
蟒蛇提供： Amber Lau
服裝提供：中藝、 Exchange Series（高踭鞋）
化妝： Jenny Tziong
髮型： Domanic Tao
協力：李家碧、李梓軒
.42歲萬綺雯：趕生蛇仔！
http://veryy8.blogspot.com/2013/02/42_8.html.42歲萬綺雯：趕生蛇仔！
http://veryy8.blogspot.com/2013/02/42_8.html
