拍《衝上雲霄2》牀戲被鬚根擦損 梁政玨爆張智霖肉緊投入
梁政玨：我怕得罪靚靚
無綫新世代「咪神」梁政玨（Jeanette）一向好身材，擔任「皮草之夜」模特兒時就算穿上皮草亮相，但34D巨咪仍能衝破毛茸茸防線，突圍而出，春回大地，認真熱辣辣！梁政玨Body誘人，早前她跟41歲張智霖為TVB拍攝《衝上雲霄2》中一幕火辣辣纏綿牀上戲，拍完一周後，導演嫌唔夠喉要求重拍。梁政玨自爆：「拍完嗰場激戰牀戲後，我俾Chi Lam嘅鬚根擦損咗眼角，甚至擦甩咗一小撮眉毛！」齋聽已覺肉緊，幸好Chi Lam夠定力，並冇出現生理反應！難怪靚靚咁放心，無現身監場。
採訪：方騫平 攝影：譚壹致 服裝：香港毛皮業協會
有樣有身材又肯博嘅梁政玨為靚仔偶像張智霖獻出第一次（拍牀戲），講起仍興奮：「呢場戲，可以講係入行以嚟最大膽嘅一次，動態上好激烈，仲勁過陳煒喺《法網狙擊》裏面嘅肉搏戲。因為我未拍過牀戲，拍前導演只係要求我著Tube Top、三角骨褲，喺被竇入面同Chi Lam緊抱相擁，為免我太緊張，拍攝時非必要人士都要離場。其實我都好驚拍埋身肉搏戲會得罪我偶像袁靚靚㗎，好彩Chi Lam好專業，會帶我入戲，所以拍得都好順利。以為放下心頭大石啦，點知一星期後接到導演電話，話拍得唔夠好，個場景又唔夠靚，唔想嘥咗我，所以要求再拍，重拍更厲害，話要有feel，要求我著若隱若現、肉色嘅雪紡睡衣，內裏只有bra同under打底。因為第二次好火辣辣，所以好尷尬，但我就感覺唔到Chi Lam有生理反應，（咁香艷，有冇電暈Chi Lam？）雖然佢好靚仔，睇佢個樣都好似食冰淇淋咁，但我唔會同有婦之夫過電。」
單身好自由
拍完兩次火辣牀戲，Jeanette發覺被Chi Lam的鬚根擦損了眼角，更擦甩咗小撮眉毛：「o依家條眉都仲崩崩哋，仲未生番毛出來，女仔貪靚，都好心痛，但又唔怪得佢，佢冇心，唔關佢事。」現實生活中，去年尾自爆跟潮牌Ground Zero老闆Eri Chu甩拖的Jeanette坦言有人追，但還未揀定，她說：「單身好自由，行蹤唔使同人交代，感覺仲舒服。」
對於娛樂圈，失戀Jeanette愈玩愈得心應手，劇集未上已玩自爆，「劇組話我著Bra拍劇係TVB嘅盛事。」
.拍《衝上雲霄2》牀戲被鬚根擦損 梁政珏爆張智霖肉緊投入
http://veryy8.blogspot.com/2013/02/2_21.html.拍《衝上雲霄2》牀戲被鬚根擦損 梁政珏爆張智霖肉緊投入
http://veryy8.blogspot.com/2013/02/2_21.html
