真面目
一代胸 C 章子怡零波變大 C
2013年01月09日由籌備到完成足足 10年的王家衞新作《一代宗師》本週四（ 10日）終於上畫，週日在北京舉行試影會，席中除男主角梁朝偉狂呻拍此戲搞到生活失調外；女主角章子怡更投訴拍打戲簡直超負荷，仲話上錯賊船以後唔拍功夫片。
33歲章子怡，身材一直平平無奇，當日卻忽然曬個湯碗胸。據知，章子怡最近去了美國一轉「深度休息」，返北京後唔單只胸大咗，就連下巴都尖咗，「執」靚穀新片。
雖已鐵定 1月 10日香港上畫的《一代宗師》，週日（ 6日）已於北京舉行試映會，其間飾演葉問的梁朝偉大吐苦水外，戲中女主角扮演八卦掌掌門宮二，同偉仔及宋慧喬會有曖昧三角戀的章子怡亦唔客氣，直言拍此戲拍到崩潰。
'00平板
13年前，張藝謀憑《我的父親母親》攞柏林影展「銀熊獎」，當時傍住大導上台領獎嘅章子怡，身材都係平平無奇。
上年 A奶
上年初，同樣著住 deep V晚裝嘅章子怡，身形明顯平平無奇，一年間可以由零波變大 C，真係稱得上係一代宗「 C」喎！
12月女巫下巴
開胸衫極難靠托，章子怡一年唔夠突然「有料」，下巴兜到似女巫。
美國大變身
章子怡話：「這三年來從訓練到拍攝，身體一直處於超負荷狀態，很多陳年老傷在崩潰邊緣，今後也不會有角色來超越這角色。」跟住仲話：「拍這片像是上了一條賊船，一開始是不知道，但會愈陷愈深。」
章子怡除敢言舉動造成話題，以往身材唔多起眼的她當日穿上 deep V晚裝，即穀出 C cup湯碗胸兼 4吋事業線，連主角偉仔都俾佢搶曬鏡。
據知章子怡早前去了美國一轉休養生息，之後下巴忽然又尖又彎，平胸更變 C奶！𠵱家章子怡唔只有樣有演技，仲有埋身材，天下無敵啦！
最近大陸著名主持人、 36歲嘅撒貝寧公開承認同 33歲章子怡拍拖，以前章子怡男友如霍啟山及 ViVi Nevo都係富豪，但去年收入 7,900萬人民幣嘅子怡，今次就搵年收 120萬人民幣的主持做男友，收入只及自己 65分之 1，同佢個胸離奇變大一樣咁神奇。
39宗師撼 27古惑仔
由王家衞執導嘅《一代宗師》將於本週四香港上畫，而王晶出品、由羅仲謙加梁烈唯孭飛嘅《古惑仔：江湖新秩序》，撞正同日出街撼到正。《一代宗師》話曬係王大導醞釀 10年先拍成，所以今次落重注，安排 39間戲院上映，比起《古惑仔》嘅 27間戲院多成 12間，呢個部署以王導演的作品嚟講算罕有。
.[FACE]一代胸 C 章子怡零波變大 C
http://veryy8.blogspot.com/2013/01/face-c-c.html.[FACE]一代胸 C 章子怡零波變大 C
http://veryy8.blogspot.com/2013/01/face-c-c.html
