2013年1月10日星期四

[壹週刊]攞苦嚟辛　蒙面變肺病　龍小菌玩大咗

龍小菌搵食面罩主要是公仔 look同黑色兩款，兩款都只係喺口部開個小窿透嚇氣，咁鬼焗，唔怪得病啦！

探熱針

攞苦嚟辛　蒙面變肺病　龍小菌玩大咗

2013年01月10日

由網絡歌手變為樂壇新丁的蒙面女歌手龍小菌，因長期蒙面搵食，竟然搞到肺都花埋，賠上健康。日前她現身診所，卻未有鬆懈，連睇醫生都堅持蒙面。長此下去，龍小菌隨時變大菌。

蒙面喪咳

無面見人的龍小菌，上週六（一月五日）由經理人兼男友邵子風陪伴到灣仔睇中醫。玩 gimmick搞到肺部出現問題的她，死守作風，蒙面到診所，異常矚目。有病人認出她是龍小菌，跟身邊人竊竊私語：「龍小菌喎！真人咁高大，病都仲要戴面罩咁鬼誇張！」

比較過往密不透風的公仔樣或女黑俠面罩，是日龍小菌只是戴了遮擋太陽的行山面罩，明顯疏氣好多。排籌輪候期間，龍小菌不時咳嗽大作，但她堅持唔除罩，攞苦嚟辛！入房見完醫生，龍小菌第一時間整理好面罩，保持戒備。

放大圖片

個肺花曬 <br><br>早前她在 facebook放了自己肺部 X光片，她稱右邊肺部出現一笪笪矇了，是個肺花了之故，要食藥治療。

個肺花曬

早前她在 facebook放了自己肺部 X光片，她稱右邊肺部出現一笪笪矇了，是個肺花了之故，要食藥治療。

放大圖片

狂咳 <br><br>上週六（ 5日），個肺出事嘅龍小菌由男友邵子風陪住去睇中醫，但她唔識死繼續蒙面，等候期間她喪咳。

狂咳

上週六（ 5日），個肺出事嘅龍小菌由男友邵子風陪住去睇中醫，但她唔識死繼續蒙面，等候期間她喪咳。

放大圖片

入房見完醫生，見到龍小菌將面罩整理好，遮好塊面才肯行出來。

放大圖片

真面目 <br><br>對外形一直欠自信的龍小菌，入行後一直把樣貌密封，保持神秘。但一張與謝安琪合照，將其真面目曝光。

真面目

對外形一直欠自信的龍小菌，入行後一直把樣貌密封，保持神秘。但一張與謝安琪合照，將其真面目曝光。

中西合璧

於半個月前，龍小菌在 fb放了一張肺部 X光片，並留言：「肺花了，要再照一次！」咳到甩肺的龍小菌，之前為保住正職的教師飯碗，要蒙面唱歌，由街頭賣唱到去年正式跳入樂壇，因長期蒙住面影響呼吸道。據知她不單個肺花咗，還因為蒙面，焗到塊面爆瘡。

「佢成日要蒙住塊面，結果由感冒變成氣管炎，食咗好耐藥都唔好。醫生擔心佢會變肺炎，之前開咗一個療程嘅藥俾佢，跟住再照肺。原本好番啲，但近排再照多次 X光發現又差番。公司啲人勸佢唔好再做蒙面歌手，但佢話要堅持唱批評政府嘅歌，唔方便露真身，要繼續蒙面。依家唯有中西醫雙管齊下，兩星期後再照肺睇嚇有冇好轉，先決定使唔使停工休息。」知情者說。

放大圖片

陳奕迅在《叱吒》頒獎禮話學龍小菌戴面罩上台，但戴一陣佢都話頂唔順要除，真佩服龍小菌點可以戴足成年演出。

放大圖片

教師出身的龍小菌，愛以歌曲批評政府，早前她便蒙面現身反國教集會，站出來發表意見。

放大圖片

老闆吳君祥同老闆娘江美儀將為龍小菌搞一個脫去面罩記者會，幫她脫苦海。

除罩大典

作為老闆娘的江美儀，指龍小菌怕被傳媒揭發真面目，入行以來，連落街買個飯盒都要蒙面，結果蒙到有病。

「佢知道傳媒神通廣大，所以落親街就蒙面，連同我哋唱 K，佢都係戴住面罩。健康緊要，公司安排緊一個適當日子，為龍小菌揭開神秘面紗。唔想佢再咁辛苦之外，其實都係時候要見人。」江美儀說。

面罩易藏菌

放大圖片

西醫朱蘊晶指，長期戴住面罩的人，因面罩凹凸位易藏細菌，清洗消毒功夫做唔足的話，面部皮膚與面罩長期磨擦下會出現皮膚炎及長暗瘡等問題。同時若面罩氣孔唔夠大，空氣混濁易滋生細菌，鼻毛長期黏著細菌的話，亦容易引起上呼吸道疾病，嚴重可引致肺部問題。肺部出現花痕，則視乎程度，可引發慢性病如肺癆，若出現高燒，則會變成肺炎。