2013年1月10日星期四

[壹週刊]容錦昌自虐罰企

同你吟一吟

容錦昌自虐罰企

2013年01月10日

樓上嘅李蕙敏，一度因為欠數，俾人唱到街知巷聞，依然有本事出入名店繼續買。只不過，唔係人人都有本事打逆境波！

好似退出幕前十二年嘅容錦昌，過去成日被發現匿埋廁格或者健身室浴室偷窺，早個月又有人見佢喺巴士自言自語傻笑，好明顯，精神同心理，都錯曬！

上星期二，淩晨兩點，《壹》仔喺中環做完倒數 party收工，見到容錦昌一個人呆呆吽吽企響街，當晚凍到得八度，但佢似乎毫無知覺，一件長袖 tee加短褲，兩隻腳仲爛到一笪笪，古古怪怪！

唔行又唔鬱，捱凍罰企半個鐘後，容錦昌忽然遞手截的士，落咗灣仔三六九飯店食消夜，坐同企一樣，冇乜大動作，但就 keep住兩眼「登」大，大到見曬眼白嗰隻。

八珍唔認識容錦昌，都覺得好唔舒服，識佢嘅朋友，甚至家人，又何止！

放大圖片