2013年1月18日星期五

[忽然1周]無綫力捧　直逼胡杏兒　萬綺雯收天價做親生女

周一（ 14日），萬綺雯對於樂小姐以天價斟她做親生女，她笑曬口直認彼此有傾過。 <br><br>萬綺雯：「係有傾過合約！」（真實對白）

娛聞樂

無綫力捧　直逼胡杏兒　萬綺雯收天價做親生女

2013年01月18日

89年亞姐出身，憑 42吋長腿成為 icon的萬綺雯，去年由亞視過檔無綫拍第一套劇《老表，你好嘢！》即做女主角，拍住有收視保證的視帝郭晉安，相比其他過檔的「亞視人」，待遇明顯優厚得多。

花旦買少見少，無綫希望萬綺雯由部頭約改簽成「親生女」。據知無綫以 5萬一集的「頂級花旦價」利誘萬綺雯簽三年經理人合約，劇價直逼視後胡杏兒。樂小姐更直認不諱：「我好鍾意萬綺雯，好想簽佢（親生女）！」樂小姐恨女恨到發燒喎。

42歲的萬綺雯憑 98年《我和殭屍有個約會》飾演馬小玲一角彈起，其 42吋長腿無人不知，成為亞視當紅花旦， 00年與編劇陳十三結婚後淡出電視圈。不過，去年戲癮大發，轉會去無綫拍《老表，你好嘢！》，劇集於周一（ 14日）首播。

放大圖片

與無綫人打成一片 <br><br>周一（ 14日），主角之一王祖藍請食飯，《老》演員及工作人員都俾面到場，順便一齊睇電視首播。萬綺雯與劇中主要演員已打成一片，完全融入無綫。

與無綫人打成一片

周一（ 14日），主角之一王祖藍請食飯，《老》演員及工作人員都俾面到場，順便一齊睇電視首播。萬綺雯與劇中主要演員已打成一片，完全融入無綫。

放大圖片

監製爭住用

放大圖片

去年視後胡杏兒遠赴海南島拍《衝上雲霄 2》，罕有三點式上陣搏到盡，不過萬綺雯個勢直逼胡杏兒，胡一姐地位隨時不保。

「亞視人」加盟無綫拍劇即做女主角，前無古人。據知無綫最近密斟萬綺雯簽三年經理人合約，出到 5萬元拍一集劇的天價，直逼視後胡杏兒 6萬元一集。知情者透露：「蚊蚊（萬綺雯）好受無綫監製歡迎，已拍嘅兩套劇監製對佢讚不絕口。樂小姐親自打電話俾蚊蚊叫佢考慮簽經理人合約，仲出到 5萬蚊一集。價錢咁吸引，蚊蚊當然心鬱鬱啦！有監製收到風，已經爭住 book蚊蚊做女主角。不過蚊蚊講明唔想飛起跟佢多年嘅經理人，就算簽做親生女，都要俾番依家個經理人跟番所有嘢，而且佢都要老公陳十三批准先得。」

其實親生女合約都可以沿用自己經理人，不過細節上比較複雜，無綫為表誠意，亦表明萬大事有商量。至於萬綺雯一直想家庭事業兩者取得平衡，與編劇老公陳十三結婚 13年一直恩愛，兩人更共用微博，經常上載旅遊照片曬幸福。不過近日有報道指陳十三因吸煙過量，導致結婚 13年來依然不育。

生仔順其自然

放大圖片

樂易玲：「我係好想簽佢！」（真實對白）

周一（ 14日）萬綺雯出席《老》飯局大笑回應：「我同老公講你俾人偷影咗，話你『唔得』呀！佢講笑話今次真係一額汗，仲以為影到佢攬住條女喎！笑死我！其實我冇話過唔生仔，順其自然啦！」對於無綫以 5萬一集利誘簽三年經理人合約，萬綺雯直認曾與無綫接觸過：「我哋係有傾過合約嘅嘢，不過都係好初步，嚟緊仲未有劇拍住，我想同老公去旅行玩嚇先！」

樂小姐亦透過電話回應，直認好想簽萬綺雯：「我係好想簽佢（親生女），不過仲要坐低慢慢傾細節。我好鍾意佢（蚊蚊），以前亞視啲女藝員我淨係留意佢一個！如果佢肯簽，咩嘢都有得傾。」樂小姐偏心到講埋出口，若然萬綺雯他日有機上台攞視後，必定第一個多謝樂小姐！