《情逆三世緣》關詠荷窒歐陽震華肚腩大過老公

歐陽震華接柯打 幫手氹人妻

歐陽震華（Bobby）與關詠荷（Esther）為新劇「再續情緣」，而Esther的老公張家輝更午夜突擊探班顯恩愛，家輝更恃大隻「兇」Bobby，叫他要善待老婆，Bobby謂：「張生叫我氹佢老婆氹得開心啲！」



歐陽震華讚娥姐演技脫胎換骨，更勝從前。

「螢幕情侶」歐陽震華、關詠荷正為新劇《情逆三世緣》趕工，即使昨日是平安夜，二人同樣要到元朗拍外景，幸運的是他們都可以早收工，與家人歡度。Bobby指兩人雖然久未合作，但仍火花不絕，更笑指Esther比以往昇華，他笑言：「佢可謂脫胎換骨，修成正果！」他又大爆張家輝落柯打要他好好照顧Esther，Bobby笑謂：「張生叫我氹佢老婆氹得開心啲，當佢一知道要拍通頂，就會靜靜雞嚟探班，練得大隻嘅佢仲帶埋幾舊肌肉嚟添，隻手臂足足大我一倍。」Esther聽到後即笑謂：「不過佢肚腩唔夠你大呢！」

歐陽震華、娥姐、黃智賢（左二）等人一早到元朗山頭拍外景。

不禁老公犯險拍攝

Esther指聖誕節會與家人簡單食飯慶祝，而老公早前拍戲令手指尾受傷，她對老公經常受傷感心痛，正廣尋名醫治療，但不會勒令減少危險演出，只寄望他能愛惜身體，「佢自己其實都好小心，但有時劇情需要，發生意外個個都唔想！」Esther久別回歸拍劇感興奮，但暫時只此一部，要看觀眾反應才決定會否繼續接劇。

另外，同場的黃智賢有一幕騎馬戲份，威風凜凜，他表示以往曾從馬背上摔倒受傷，至今仍存有陰影，自此每當與動物一同拍攝都會小心翼翼。

.《情逆三世緣》關詠荷窒歐陽震華肚腩大過老公
http://veryy8.blogspot.com/2012/12/blog-post_2746.html.《情逆三世緣》關詠荷窒歐陽震華肚腩大過老公
http://veryy8.blogspot.com/2012/12/blog-post_2746.html