梁烈唯收黃浩律師信 發表「蝗蟲論」

梁烈唯收黃浩律師信 力撐言論自由

[15:01] 2012/12/25

【on.cc 東方互動 專訊】 藝人梁烈唯（唯唯）、陳煒、陳敏芝、高海寧及森美出席電台訪問，梁烈唯坦言已收到黃浩的律師信，隨即得戚發表「蝗蟲論」，繼曾志偉「食屎狗論」後另一「傑作」。

有備而來的唯唯說：「大家係咪想知我尋晚平安夜點過？平時我好少出街，留在屋企做家務，抹到玻璃窗一塵不染。睇電視時聽到玻璃窗『噹』一聲，行埋去睇，發現一隻蝗蟲科動物，諗住飛入屋撲火，因為玻璃太乾淨，佢以為冇玻璃好容易入到屋，但撞暈跌落露台，我諗好唔好救佢，再諗清楚，佢無藥可救。」問所指的「蝗蟲」是誰？唯唯沒有明確指出是誰，並隨示範蝗蟲的寫法。問可會擔心惹人誤會再收律師信？唯唯說：「唔怕，呢件事尋晚真係發生過。」

在訪問過程中唯唯表現風騷，並再三強調平安夜過得好快樂。問日後會否慎言謹行？唯唯似有所指說：「香港有言論自由，香港發生所有新聞，香港市民有權評論，評論係唔構成誹謗成份，我係香港市民評論香港新聞係絕對有權。」問有否聯絡曾志偉？唯唯說：「冇，大家都放假，好好Enjoy聖誕節，無謂在無聊事上花時間。」

梁烈唯被黃浩發律師信因而人氣急升。

.梁烈唯收黃浩律師信 發表「蝗蟲論」
http://veryy8.blogspot.com/2012/12/blog-post_2855.html.梁烈唯收黃浩律師信 發表「蝗蟲論」
http://veryy8.blogspot.com/2012/12/blog-post_2855.html