主頁>娛樂圈 >娛樂追擊>鄧梓峰夫妻孖咇
早前無啦啦謠傳出有「三色台掃毒男女」喺元朗一帶「車震」被警方截查，最後苦苦哀求先獲釋，矛頭直指人夫鄧梓峰（十郎）同人母吳綺莉，事後二人直斥傳聞離曬譜，十郎仲發聲明要採取法律行動，火氣十足！
其實，十郎同老婆極之恩愛，東姑日前見到兩人喺圓方Shopping，佢哋喺書店打書釘，買咗兩本外國雜誌同一本小說先埋單走人，其後二人分頭行事，十郎拎住收據去櫃位攞免費泊車優惠，再折返陪老婆睇衫，兩公婆老夫老妻多年都咁鬼恩愛，小三想埋身都好難。
十郎同太太齊齊揀衫，鄧太仲揀中咗對黑色長靴，潮味十足。
滿肚墨水嘅十郎，喺書局打咗陣書釘，睇親都係英文書。
太太畀錢期間，十郎先去停車場攞車等老婆，認真廿四孝老公。
.[東周刊][娛樂追擊]鄧梓峰夫妻孖咇
http://veryy8.blogspot.com/2012/12/blog-post_5488.html.[東周刊][娛樂追擊]鄧梓峰夫妻孖咇
http://veryy8.blogspot.com/2012/12/blog-post_5488.html
