[東周刊][娛樂追擊]攻「城」攻到馬爾代夫 熊黛林冧爆返港

2012年11月3日星期六

[東周刊][娛樂追擊]攻「城」攻到馬爾代夫熊黛林冧爆返港

主頁>娛樂圈 >娛樂追擊>攻「城」攻到馬爾代夫熊黛林冧爆返港

熊黛林（Lynn）經常被傳媒拍得到男友郭富城家夜會短聚，被指為「圍城」、「攻城」多年，昨日二人「前後腳」從馬爾代夫度完假回港，城城率先出閘，一臉春風笑的城城被問到這次旅行有否潛水？他就幽默地說：「你咁有創意，我點答你？你有很多同事分布（指機場內），好叻，好似私家偵探，拍戲咩！唔使落咁足。（阿Lynn何時返港？）你問番佢，你問你的同行便清楚。」當追問城城是否叉足電，心情輕鬆？他即為女友不值說：「其實咩都係你哋講，平日話對方攻城、圍城，又話焚城，好彩我仲企響度，今次係特別有創意嘅諗法，好得意！講曬喇！（被攻陷了嗎？）辛苦曬！」

而在城城出閘後大約十五分鐘，Lynn就步出機場，即被問到是否和城城預支蜜月？她即冧爆地說：「無！無！無！我很多日無睇新聞，（是否先生仔、後結婚？）講到咁遠呀！（有結婚計畫嗎？）無！無！無！（關係進一步公開？）我無想咁遠，只係放假。」問她是否可以改稱「郭太」？她開心笑著說：「唔好，千萬不要，（城城說50歲前結婚已差不多了？）你真的要問他，（妳心急嗎？）我現在開心便足夠。」