2012年11月9日星期五

[忽然1周]激減 20磅開騷　王馨平邀嘉穎情侶唱

操機練氣 <br><br>王馨平每日都花數小時在健身室，私人教練話操機除了鍛煉肌肉，還有助加強肺部功能，唱歌都會好氣啲。

娛聞樂

激減 20磅開騷　王馨平邀嘉穎情侶唱

2012年11月09日

自 01年嫁作人婦後，王馨平絕少現身娛圈，直至年初電影《志明與春嬌》上映，餘文樂反串扮女人翻拍其經典 MV〈別問我是誰〉，令王馨平人氣 hit爆。而戲中楊千嬅同佢講咗句：「當年你同鄭嘉穎分手，我喊咗幾日幾夜呀！」令當年王鄭兩人的 puppy love再受注目。

咁多年冇開騷，王馨平終於技癢，決定在 12月中開個唱，並獲老公批准搵鄭嘉穎做嘉賓，看來兩人的「世紀情侶合唱」有望了！王馨平更花了半年時間消減 20磅肥肉，除了靠做運動，亦需要節制飲食，但意外地竟達到瘦身不瘦胸的神奇效果。

話曬係當年的寶麗金小花，唔操 fit啲點得呀！

放大圖片

金童玉女 <br><br>王馨平與鄭嘉穎外形相襯，當年的合唱歌〈緣份〉，成為受歡迎 K歌。可惜拍了 6年拖，最後被王父王羽棒打鴛鴦。

金童玉女

王馨平與鄭嘉穎外形相襯，當年的合唱歌〈緣份〉，成為受歡迎 K歌。可惜拍了 6年拖，最後被王父王羽棒打鴛鴦。

放大圖片

踩單車消脂 <br><br>為了達到瘦身效果，王馨平狂做帶氧運動，經常霸住跑步機與單車機，「平時我會邊聽音樂邊做運動，時間好易過。」操到鎖骨都現，總算有成績。

踩單車消脂

為了達到瘦身效果，王馨平狂做帶氧運動，經常霸住跑步機與單車機，「平時我會邊聽音樂邊做運動，時間好易過。」操到鎖骨都現，總算有成績。

放大圖片

今年 4月肉地少奶 <br><br>身高 5呎 8吋的王馨平，養尊處優做少奶奶，今年 4月出席公開活動時，身形確係豐滿。

今年 4月肉地少奶

身高 5呎 8吋的王馨平，養尊處優做少奶奶，今年 4月出席公開活動時，身形確係豐滿。

王馨平與金融才俊李家輝結婚後便淡出娛樂圈，經過 11年的闊太悠閒生活，索爆玉女已進化成心廣體胖的靚太。為了下月 16日的個唱，王馨平半年前積極備戰，現已減去 20磅贅肉，誓要找回未嫁時的 S曲線。她表示要「加緊操練」，每日跑步做 gym，除練氣外，亦要控制飲食。雖然操到咁 fit，但她強調不會著太性感的歌衫，「老友周慧敏都俾咗好多意見我，我會換幾套衫，但唔會賣性感！」

舊愛掀高潮

「王馨平」因電影而再度被炒熱，當年與鄭嘉穎的戀情亦被翻舊賬，對於個唱會否請對方做嘉賓？她答得大方：「我同老公商量過，佢唔介意我搵鄭生，我都會問嚇佢有冇期，希望可以再合唱。」

前度當年曾被父親王羽狠批冇出息，但今日已成為內地及香港當紅小生，早前鄭嘉穎於昆山拍內地劇《葉問》時受傷，王馨平亦送上問候：「我冇直接打俾佢，不過聽佢講話男人多撻疤仲有型，識講笑即係冇事啦，不過都希望佢快啲好番！」

身在昆山的鄭嘉穎透過經理人回應：「我到時仲拍緊劇，未知 schedule（時間表），都係交俾公司安排啦！」

除了有望與舊愛再度同台，王馨平亦積極為個唱找來有睇頭的嘉賓。由於餘文樂於電影中反串扮她好評如潮，當中的「蝴蝶手」好笑到令人噴飯，故王馨平欲邀對方齊齊上台唱 live。至於昔日的「寶麗金四小花」湯寶如、黎瑞恩及劉小慧，亦大有可能重現舞台。

放大圖片

富貴老公開綠燈 <br><br>王馨平 01年與從事金融業的李家輝結婚，婚後不時陪丈夫出席慈善活動，打扮得靚靚做其闊太。

富貴老公開綠燈

王馨平 01年與從事金融業的李家輝結婚，婚後不時陪丈夫出席慈善活動，打扮得靚靚做其闊太。

放大圖片

餘文樂（下圖）在電影中抄足王馨平的〈別問我是誰〉，如果能現場演繹，一定令觀眾笑到碌地。

放大圖片

個唱卡士 <br><br>十幾年後再開騷，王馨平力邀周慧敏及寶麗金小花黎瑞恩、湯寶如、劉小慧助陣，大唱金曲。

個唱卡士

十幾年後再開騷，王馨平力邀周慧敏及寶麗金小花黎瑞恩、湯寶如、劉小慧助陣，大唱金曲。

細場小試牛刀

對歌唱事業仍念念不忘的王馨平重新走上舞台，今次先於九龍灣展貿開一場個唱，是次場地只能容納大概一千人，王馨平話純粹試反應：「我就係想揀個細啲嘅場，可以同歌迷近距離接觸，想好輕鬆咁同歌迷敍嚇舊！我太耐冇唱歌啦，想 feel嚇個感覺係點先。如果反應好，明年就會入紙紅館開騷。」王馨平開騷，已掀起唔少歌迷的集體回憶，如果能請到鄭嘉穎同台，咁就更加吸引喇！