2012年10月14日星期日

TVB慳皮戲服著足十幾年宣萱隔6年再著

TVB出名慳皮，連戲服都慳過人，撞戲服其實唔係咩出奇事，不過太頻密，時間太長，就真係好奇嘞。有心水清網友就羅列咗好多TVB撞戲服嘅劇出嚟，難怪TVB啲劇總係熟口熟面，除咗劇情，原來戲服都一樣，有時仲會穿越唔同朝代添。

好似梁小冰94年套《天子屠龍》，入面著嘅裙褂，著到99年宣萱嘅《騙中傳奇》，之後到08年開拍嘅《巾幗梟雄》，四奶奶都仲著緊呀陰公，唔知會唔會著到2046呢？

啱啱生完囡囡嘅黎姿撞衫率都好高，好似同《雲海玉弓緣》、《倚天屠龍記》、《匯通天下》等等等等等等……不能盡錄咁多劇，都撞過衫。

*註: 短片中的年份均是拍攝年份

呢套新娘衫雖然話係古裝啫，都唔駛著足十幾年啩…不過你亦不得不讚TVB keep得啲戲服幾新淨…

02年《雲海玉弓緣》李彩樺

04年《金枝慾孽》黎姿

02年《雲海玉弓緣》葉璿

玉瑩雖然係小主，但都要係咁著人舊衫，真係慘呀！

99拍攝嘅《倚天屠龍記》，黎姿終於飲番次頭啖湯

00年拍嘅《尋秦記》，秦朝嘅滕麗名，著左明朝黎姿嘅衫，好亂呀！

《尋秦記》戲服變萬能KEY

2012-10-14 21:00:52

環保唔係問題，但一個秦朝，一個漢初，一個明末，都著同一件衫，會唔會過份咗少少呢

TVB重用戲服好環保，不過環保之餘，係咪可以改動小小，等啲衫可以好似新嘅一樣呢？

好似《尋秦記》咁，故事發生喺秦朝，但入面演員嘅戲服，同時出現過喺其他古裝劇，分別去過漢初，明朝，唐朝，唔同朝代嘅衫，款式同顏色嘅潮流自然都會有唔同，咁究竟TVB係著重環保，連改衫功夫都慳番，定係懶得做資料搜集，真係佢哋先知啦。