2012年10月25日星期四

[FACE]變鳳凰　剷頭做山雞　梁烈唯砌低王浩信搶飛躍

山雞 MK頭 <br><br>為拍攝新版《古惑仔》，早前雙十節當日，唯唯用咗 5個鐘剷新髮型，之後就到附近超市買餸，佢話：「我買啲嘢返屋企煮飯畀自己食。」戲中行古惑，戲外就住家男！

真面目

變鳳凰　剷頭做山雞　梁烈唯砌低王浩信搶飛躍

2012年10月24日

梁烈唯（唯唯）年頭憑《缺宅男女》的「關二哥」殺入屋，最近更被王晶睇中演 2012年版《古惑仔》的山雞，唯唯為角色特登剷頭重現經典，造型超爆。

有電影助威，加上唯唯於台慶劇《大太監》中飾演的同治帝，亦十分搶戲，據知在無綫今年的台慶頒獎禮中，唯唯已成功打低王浩信勇奪「飛躍男演員」。捱足 13年，唯唯終於有獎攞。

放大圖片

唯唯與女友 Tina拍拖 10年，感情穩定。上週三（ 17日），兩人拍拖到 I.T掃貨，大方任影。《蘋果日報》圖片

近日忙於拍《古惑仔》的「山雞」唯唯，雖然要兼顧劇集《仁心解碼Ⅱ》，但難得晶哥睇起， 33歲唯唯亦不惜剷曬 MK頭扮古惑。

連贏兩仗

有份重拍經典已經唔易，據知本來王浩信亦有份參演做「大天二」一角（當年謝天華飾），可惜最後改由 Bro5成員、糖妹男友何浩文擔演。據劇組人員透露：「電影公司覺得王浩信太高喎，個樣又斯文得滯，唔係好啱呢個角色，晶哥想搵大隻啲嘅，所以咪換咗 Dominic（何浩文）囉！」

雖然唯唯與王浩信並非爭同一個角色，但喺《古》片已率先 fight低王浩信。而今年無綫嘅「飛躍進步獎」，兩人同樣有份被提名，不過唯唯今年出街劇集如《飛虎》和《缺宅男女》等套套有話題，加上有下月推出的台慶劇《大太監》造勢，據知無綫更為配合此劇而將頒獎禮推遲至 12月 17日，待《大》劇大結局後才舉行，擺明為劇中如黎耀祥和米雪等大熱鋪路，而「男飛躍」獎更加係唯唯囊中物。

等住攞獎，唯唯卻好謙：「今年對手好強勁，都唔一定係我㗎！有獎當然第一個多謝 TVB啦！」識知恩圖報，以後大把機會啦！

放大圖片