2012年10月29日星期一

幫襯DR逾十年搵命博　朱咪咪拮肚儲幹細胞

幫襯DR逾十年搵命博　朱咪咪拮肚儲幹細胞

幫襯DR十幾年　朱咪咪拮針搵命博

愛美是女人的天性，但早前有女士接受DR美容集團的療程後性命危殆，更有人不治。朱咪咪近年有為DR集團宣傳，但前晚她否認是代言人，不過獲該集團贊助接受過退斑、溶脂及儲幹細胞，幸好沒有中招，她又說出現事故後已沒接受療程。

有藝人做代言人的DR美容集團早前發生事故，有多位女士接受該集團的療程後不適，懷疑過程中有細菌感染，其中一人最終不治，亦有人要切除小腿和右手四隻手指，暫時保住性命。

【今日我至險】

朱咪咪去年開騷要扮鄭秀文，佢嫌手臂太粗，走去最近出事嘅DR做溶脂，好在咪咪姐冇事咋，真係險過剃頭。

朱咪咪說與丈夫（左）都很注意健康，她亦坦認兒子（中）曾往DR集團接受美容服務。資料圖片

出事的DR美容集團精明店，有朱咪咪照片作招徠。資料圖片

溶脂去斑

朱咪咪近年亦有為DR集團宣傳，前晚她到灣仔出席慈善音樂會，提到DR集團的事故，朱咪咪否認是集團代言人，但該集團的確贊助她十多年：「我以前好多斑點，舊年亦有做溶脂，又試過儲幹細胞，但都冇問題。」朱咪咪表示沒接受過出事的療程，問是否怕了不敢做？她只謂：「有啲嘢係整定。」

昨日再問朱咪咪接受溶脂和抽幹細胞的過程，她在電話中說：「舊年要做騷扮鄭秀文，我去做手臂溶脂，大約一個鐘，佢哋同我傾傾嚇我就瞓著咗，做完我仲去做訪問同去深圳排舞。」至於儲幹細胞，朱咪咪說：「年尾去做，喺肚度抽，約一支針筒咁多。家好多人都做呢啲嘢，萬一自己有事可以救自己。全部過程係醫生做，啲醫生我都識，因為我年年去佢哋周年晚會。」朱咪咪透露當日在旺角某大廈單位內接受上述療程。

暫停療程

問朱咪咪現時出現事故，會否仍有膽接受醫學美容？她表現猶疑說：「暫時未有去，我好滿意自己個樣，我做嗰啲其實都係表面嗰啲咩激光，不過事發後阿仔都去做facial，真係唔知點解另一方面會有意外。」朱咪咪續說自己很注重健康，每年都在新加坡接受體檢，她又稱：「我老公喺新加坡都有洗血，洗咗至少10次，佢喺啲小型嘅私家醫院做。」

採訪：王連連　攝影：黃文偉