2012年10月1日星期一

黎耀祥拍電影《丐世英雄》做丐幫CEO

黎耀祥拍電影《丐世英雄》做丐幫CEO

無綫台慶臨近，「視帝」黎耀祥稍後將忙於宣傳台慶劇，十一月亦與陳豪開拍另一重頭劇，但據知祥仔之前會接拍一部馬來西亞電影，酬勞高達七位數字，更會飾演時裝版的「丐幫幫主」。

黎耀祥現時於無綫一劇接一劇，今年的台慶劇《大太監》亦由他擔綱演出，隨時有機會再捧走「視帝」獎座。由於祥仔飾演的劇集，一直甚受馬來西亞觀眾歡迎，最近他就被當地電影商看中，找他拍攝電影《丐世英雄》，據知酬勞更非常可觀，高達七位數字，祥仔稍後便會親自到馬來西亞與導演傾談拍攝細節及開記者會，預計十月尾正式開拍。

馬國片商誠意打動下，祥仔決定過江統領丐幫。

誠意遷就檔期

記者昨日致電給祥仔，說到是否真的以七位數字接拍時，他即笑言：「呢個係商業秘密，總之係非常之滿意嘅價錢。」他透露今次接拍原因除了是酬勞豐厚外，最主要是因為對方的誠意打動：「其實之前我都考慮緊，因為之後台慶都好忙，要出席台慶活動、節目巡禮之餘，又要為《大太監》宣傳，不過對方好好，佢話唔緊要，我一要返嚟做嘢就會度曬啲期畀我，人哋咁有誠意，我邊好意思推？」

祥仔首次到馬國拍戲，唔知太太會否隨行。

祥仔與米雪合作的《大》劇在台慶期間首播。