主頁>娛樂圈 >娛樂追擊>黃宗澤藐嘴開工
黃宗澤（Bosco）自從被胡杏兒狠撇後，成日都無厘神氣兼忽然消瘦，佢雖然死撐係健身減肥，仲話近來都食得清淡。始終失戀最好係寄情工作，近排佢開工拍新劇《好心作怪》，不過日前東姑探班，見佢心情都係大起大落，似乎仲未走出失戀嘅陰霾！
日前佢同王浩信、黃智雯去荃灣拍外景，佢全日都黑面神上身，導演一話cut，佢即刻坐埋一邊苦口苦臉，極之憂鬱。全日木口木面嘅佢，唯獨見到黃智雯補妝就勁笑，認真騎呢。原來男人遭受情傷，同樣好難治癒。
大熱天時開工，佢鬱兩鬱都滿頭大汗。
見黃智雯補妝，佢突然狂笑，王浩信（左一）都被佢舉動嚇一跳。
Bosco與黃智雯行埋位時，佢竟然突然藐嘴藐舌。
.[東周刊][娛樂追擊]黃宗澤藐嘴開工
http://hk8news-e.blogspot.com/2012/10/blog-post_1787.html
