張文慈為海難教友祈禱 大姐明無心慶生
前晚在南丫島附近發生令香港人心傷的海難，導致船上近三分一人死亡，全城哀悼，為死傷者難過，其中身在台灣的張文慈知道有教友遇險，在微博呼籲代禱，慶幸教友一家平安沒事，而同日另在船上睇煙花兼預祝生日的林建明，知悉海難亦無心情再慶祝生日。
這場導致數十人罹難的海難發生在前晚，事發時太混亂，不少被救的生還者跟親人失散，張文慈（Pinky）在微博呼籲朋友們為她的教友Heabi代禱，因知道對方的丈夫Thomas及兩個女兒仍失蹤，獲毛舜筠、王祖藍等支持。
張文慈雖人在台灣，但仍出力為友人祈禱。
方力申、鄧麗欣等在微博哀悼死傷者。
教友全家獲救
身在台灣探望胞姊的Pinky昨日在電話說：「係呀，我係喺whatsapp知道有教友出事，叫我代禱，我就喺微博講，相信祈禱有力量，今日聽教友確認咗佢哋一家獲救，其實我唔識佢哋，只係我朋友嘅朋友，但都唔想有事。」
前晚與老公曾展章及朋友乘船在銅鑼灣睇煙花兼預祝昨日生日的林建明（大姐明），事後知道有海難發生亦心情沉重，她在電話中說：「睇完煙花10點幾返到屋企睇新聞至知發生咁大件事，死咁多人，真係陰功！個心好沉重，我今日（二日）都唔慶祝生日喇，買啲嘢返屋企食就算。」
汪詩詩前晚跟老公甄子丹亦在灣仔會展睇煙花，她昨日說：「覺得好傷心，香港好少發生咁大嘅意外，冇人想發生，祝福佢哋身體同心靈盡快好番。」
沙姐明前晚喺銅鑼灣船上睇煙花預祝生日，返到屋企先知發生海難，佢悲傷得噚日正日都唔慶祝。
群星微博祈福
不少藝人舒淇、方力申、鄧麗欣等亦在微博中為死傷者祈福，而王喜亦為死傷者到海邊放生。
採訪：丁寧
上一則:大劉避席聆訊 暴脹甘比下月生仔
下一則:嘉玲唔明王菲微博
.張文慈為海難教友祈禱 大姐明無心慶生
http://hk8news-d.blogspot.com/2012/10/blog-post_902.html
