2012年10月15日星期一

被指集郵女王嘅黎芷珊，早前邀舊愛鄭伊健做《最佳男主角》嘉賓。對住芷珊姐姐，伊健都冇避忌，講邵美琪、梁詠琪及同蒙嘉慧(YoYo)三段關係，亦承認今年娶YoYo。講到當年承諾照顧邵美琪一生一世，伊健形容係「一次失手」，但佢當時係希望做到第一次拍拖就結婚，點知原來冇咁簡單。

至於梁詠琪，伊健就話要用「轟烈」嚟形容。仲話一段關係係要靠雙方，唔係咁簡單。似乎真係好唔簡單。

講到YoYo，最吸引伊健嘅地方，係緣份︰「覺得係佢，就係佢喇。」

當年許諾照顧邵美琪一生一世，最終卻分手收場。

黎芷珊自爆﹕收咗伊健最寶貴嘅嘢

2012-10-15 17:17:07

黎芷珊邀請舊愛鄭伊健做《最佳男主角》嘉賓，唔止要伊健爆秘密，芷珊姐姐都爆唔少。佢話伊健係個好有心思嘅人，當年同佢拍拖，就收過一份伊健話係自己最寶貴嘅嘢做生日禮物，就係伊健自己張身分證。

2012年10月15日 星期一