2012年9月15日星期六

高登女神後浪推前浪　濕身香香嚇窒法拉

高登女神後浪推前浪　濕身香香嚇窒法拉

香香濕身誘惑　法拉讚

岑麗香被封新一代高登女神，前晚她在無綫劇《巴不得媽媽…》以濕身泳衣look誘宅男。女神地位動搖的陳法拉前晚坦言被後浪推的心情好矛盾，但仍力撐師妹廣東話唔正夠可愛。

新一代高登女神岑麗香憑無綫劇《巴不得媽媽…》人氣急升，繼早前剝bra為錢嘉樂包紮後，前晚播出的一集又有香艷場面。劇情講述香香和嘉樂到沙灘採訪，偷拍色狼非禮女士的題材，香香特地穿上泳衣來掩飾記者身份。其間香香突然拿著手中的蒸餾水倒在自己身上，成身濕曬之餘，又在嘉樂前自摸，令嘉樂色心大動，眼甘甘盯著香香，相信一班宅男與嘉樂反應一樣，睇到硬曬軚。

《今日我至怯》

陳法拉前晚坦言有留意岑麗香嘅演出，對於女神地位動搖，佢都咪話唔怯，睇嚟係時候要著少啲布發嚇圍！

「唔知好定唔好事」

身為第一代「高登女神」的陳法拉前晚與陳豪在尖沙嘴出席相機活動，對於岑麗香和苟芸慧接捧成為女神，法拉笑說：「我都有留意，唔知係好定唔好事！」三位靚女加上鍾嘉欣全是華姐冠軍，法拉直言質素有保證，她說：「全部都係選美冠軍人馬，點都有啲水準，當然係靚，但唔知做女神係咪要廣東話麻麻，係咁唔正先可愛。」她表示初來港時人生路不熟，現在她會與苟芸慧分享心得，她說：「我同苟姑娘私底下熟啲，佢都有問我點可以學好啲廣東話，我就教佢要習慣同人傾偈，見佢進步都戥佢開心，大家要繼續努力。」

另外，法拉表示平時好鍾意影相，自封女龍友，問到是否喜歡影男友薛世恒？她說：「唔多鍾意影男仔，平時影一對對老人家同小朋友多。」問她可考慮出攝影集？她說：「可以考慮，或者加散文集都得，但希望可以儲多啲相，等自己多啲人生經歷先再出書。」

岑麗香前晚在《巴》劇穿泳裝自淋濕身，睇到宅男眼甘甘。

陳豪私相放夾萬

陳豪坦言喜歡與女友陳茵媺拍照留念，問到可有親嘴相？他面紅紅說：「秘密唔講你知，平時會喺屋企print相，之後放入夾萬好好保存。」對於無綫躁底導演張永豪欺侮新人，陳豪自言做新人時亦曾俾人鬧，但會當磨練，他說：「吃得苦中苦，犯錯唔好再錯先有進步空間，總之人與人多包容，做事都順暢啲。」

採訪：何慧斯　攝影：林德雄