2012年9月7日星期五

沈震軒最愛單純女仔自嘲悶蛋

無綫藝員沈震軒在大銀幕化身號稱「蘭桂坊USB」的蒲精，猶如不羈浪子的他，其實性格低調愛靜，在家時更十分「烏Wear」，難怪他自嘲個性沉悶欠情趣，較喜歡簡單不花巧的女生。

外形冷峻的無綫藝員沈震軒（Sammy），早前以金毛留鬚造型拍攝電影《喜愛夜蒲2》，打扮亦非常有型企理，予人不羈浪子的感覺，但獨居的他自爆平日很「烏Wear」及沉悶：「唔出街嘅話唔會打扮，我有一千度近視，鏡片超厚，所以用屋企Look出街應該冇人認得！（平日喺屋企做乜？）靜靜哋咁過，彈琴、睇戲咁又一日，冇咩必要都唔出街。（屋企好亂？）咁又唔會，因為好簡潔，唔會擺好多嘢！」

喜歡率直女生

雖然在五光十色的娛樂圈已有六年時間，但Sammy沒有沾染愛玩性格，與戲中的「蘭桂坊USB」角色完全不同，並自認情趣不多是名悶蛋，更試過忘記女友生日，認真大罪！問到有否遭過去的女友嫌棄？他笑說：「可能就係鍾意我悶呢！咁都係了解咗先會一齊，好大件事我會記得，但當時唔知女友生日原來係咁大件事！」他表示沒有跟女友拍慾照這類「情趣」，直言不愛拍照，連旅行也甚少影相。

Sammy又坦言喜歡率直簡單的女生，較投契的異性朋友都屬此類，包括曾合作的劉羽琦、林夏薇及早前傳分手的賈曉晨（JJ），他說：「單純直接係好啲，但唔會Set一個框框，會感覺行先。」問到何時成家立室？理性的他表示不可以有情飲水飽，一定要先有經濟基礎。

Sammy自爆個性沉悶欠情趣，在家中非常「烏Wear」。