同你吟一吟
上個禮拜四晚（十月十三日）有酒吧舉行十周年比堅尼派對，話有Jeana何佩瑜做嘉賓，廣邀傳媒採訪，點知一去到，Jeana只係著住背心短裙，擺明搵笨：「夏天都過咗，希望下年先啦，唔滿意自己身形，想俾最好效果大家，而且我都怕混亂，有潛在危險。」
解釋定掩飾，講到尾，Jeana話最驚客人借醉鹹豬手：「所以我戴咗三個nude bra（俗稱：缽仔糕），感覺好安全！」但最離奇係Jeana會收七位數字代言費準備整容隆胸，至於心口僭健面積，Jeana諗過F奶，只係擔心條腰負荷唔到喎。又要露，又要驚，又要整到籃球咁大，咁多前後矛盾，既然Jeana可以著背心短褲代替比堅尼，講一套著一套，八珍都係聽住先。
現場安排肌肉男裸露上半身俾Jeana响心口畫公仔，一名西裝男fans擒高跨越記者人堆，用iPhone從高處影低女神，睇嚟係影心口多過影樣。 ####
現場派出三位模著比堅尼，Jeana只係著背心短褲現身，超搵笨！
1128期
