FBI File
憑住歪音廣東話而大受歡迎嘅金剛，唔好睇佢傻更更就以為佢一定被女朋友治到貼貼服服，實情剛剛相反。上週六（8日）晚，FBI喺圓方撞到佢同台灣女友Miya一齊行街街。難得Miya專程由台灣飛嚟香港相聚，但金剛就唔多夠溫柔，2人先走入HMV睇唱片，之後又入去W酒店食飯，但FBI所見金剛一直好似大爺咁行前等女友跟尾，之後到等車，仲要女友主動繞住佢手，真係大男人到死。
主動繑
離開時，金剛掛住同朋友傾偈，而女友就主動繑住佢手臂做小鳥依人。
行先
之後2人一齊走入W酒店晚飯直落，其間金剛就唔理Miya，一支箭咁自己入去先，留低女友同朋友喺酒店門外影相留念。 ####
上週六（8日），金剛同女友Miya去圓方行HMV時，一直行得鬼咁快，要女友急步追住佢都唔只，仲全程唔多笑cool到死。難得女友抵得諗飛嚟香港陪佢，金剛好心就寬容啲啦！
229期《FACE 週刊》
