FBI File
上月29日晚，紅爆港台嘅劉子千忙完《勁歌》錄影，就要趕到界限街客串電影《八星抱喜》。有傳呢套戲由媽咪甄珍出面，向黃百鳴幫子千戲拍，仲要$0片酬任用，不過話曬部戲有陳慧琳、古天樂同甄子丹一班巨星演出，就算過鏡計落有so。但當晚FBI見子千埋位前，已經不停抹汗飲水，緊張大師上身咁。之前FBI同子千面對面傾過偈，發現佢一緊張就會出汗，仲好易怕醜同面紅。不過FBI認為千千都係放鬆啲好，事關拍住班大星，成日出曬汗要NG就唔好啦！
####
子千抹完汗，即刻用手抹吓塊面（小圖），好驚整花個妝同有紙巾碎黐面，好鬼貪靚。
怕醜仔唔只易出汗，今年7月尾子千仲忙到心絞痛兼作嘔，要送院打點滴，25歲仔身子都幾差。台灣圖片
拍戲狂出汗，子千都要飲支橙汁補充吓水分，唞吓氣。
子千同兩個助手離開電視城時，門外已有班粉絲恭候，識做嘅子千過馬路都擺定舉V甫士畀人影相。
229期《FACE 週刊》
