2013年3月8日 星期五

[忽然1周]阿感 愛心狗竇

阿感是超級漫畫迷,最愛頭三位是《龍珠》、《男兒當入樽》及《百分百感覺》,「我已經養成咗一個壞習慣,係乜漫畫推出嘅第一期我都買咗先,好睇就繼續追。」


星悅居

阿感 愛心狗竇

2013年03月08日

公屋、私樓大大隻字寫住「不准養狗」,好多人選擇住村屋,無非為養狗。無綫主持黎國輝(阿感),家有三隻可愛哥基,為令愛犬有更多地方走動,去年他專登搬到清水灣道井欄樹村屋二樓連天台。「我後嚟先知,原來哥基腳太短,唔行得咁多樓梯㗎!依家每日都要餵佢哋食強化骨骼嘅藥,補嚇腳骨力。」真係愛你變成害你。

放大圖片

《龍珠》漫畫係阿感最愛。「我第一本正式買嘅『鹹書』係《龍珠》,嗰時中四,原來日本版係鹹鹹哋嘅,當時要封膠袋出售。」

放大圖片

沒有近視的阿感卻擁有多副不同顏色的「齋框眼鏡」作襯衫用,潮味十足。

阿感雖然麻甩仔一名,但原來愛心爆棚,對愛犬視如己出,為牠們棄住大廈,揀女友也要以「喜歡狗」為大前提。去年他「一家四口」搬到井欄樹村屋新居,只有四百呎單位連天台,更將天台部分位置間成廚房和衣帽間。租金 9千,比同村市價貴少少,阿感仍願意租下,無非想讓犬兒多曬太陽。「冇辦法,為咗個天台貴少少都會租,以前住大廈交通各樣當然會比較方便,但感覺好狹窄,養寵物就要揀開揚啲,空氣好對佢哋都好啲!」

阿感自言,愛犬重要過自己一切,牠們才是一家之主,每晚更會大被同眠。「每晚返到屋企一支公冇嘢做,就係佢哋嗲你、呵你,聽你發牢騷。朋友都唔可以晚晚陪你啦!我哋仲晚晚一齊瞓,所以冬天、夏天我都唔會感冒,因為佢哋暖笠笠,但就多咗鼻敏感囉!」

放大圖片

阿感在無綫收費電視生活台主持過《玄美人生》、《範後感》等節目,更曾與相識多年的阿嬌傳過緋聞。

放大圖片

夏天一到,阿感便會陪 3隻愛犬上天台 hea足半天,互餵鱈魚絲,親密程度如親生子女。

移居台灣

阿感家中最搶眼的是一個 8呎 X10呎的大書櫃,收藏逾千本漫畫,單是《龍珠》系列,已有三整套不同版本,名副其實超級漫畫迷。

不過這個漫畫迷,有機會明年撤離香港,定居台灣,與 dancer女友開創另一個天地。「仲考慮緊,不過搬嘅機會好大。一來女友本身喺嗰邊住,方便見面;二來我哋呢行嘅趨勢,要向大世界發展,你唔做就人哋做。香港市場實在太細喇,我唔甘心只做一個主持。其實我一直都想做埋幕後,例如剪片、寫稿、製作人,就算之前同樂小姐(無綫製作資源部總監樂易玲)傾,我都係咁同佢講。我一支公,搬啲嘢就行得,最難搞係啲狗,我會帶埋佢哋走。不過手續好煩,最慘係佢哋到時要坐 21日移民監,唔知慣唔慣㖭㗎!」講來講去,最緊張的始終是三隻愛犬。

放大圖片

客廳沒有梳化,只有一張帆布牀代替,但已淪為狗狗的小天地。「呢張牀係上手留低,見又未爛咪唔好嘥囉,鋪塊嘢就坐得。佢哋最鍾意貢上去。」

放大圖片

「 M&M係我好鍾意嘅公仔,以前真係儲埋好多,不過依家地方唔夠大,冇買得咁瘋狂,見得意先買。」

放大圖片

大頭 Q版巴斯光年及胡迪,購自旺角信和,記者終於發現唔似鄧梓峰嘅巴斯了。

放大圖片

這條樓梯由地下直達阿感所住的二樓單位,他還擺放了一排 20隻不同款的 M&M公仔作裝飾。

放大圖片

愛籃球的男孩大部分都迷上《男兒當入樽》,主角櫻木花道更是阿感的英雄。「啲女仔會鍾意流川楓,因為靚仔,但我覺得櫻木得意啲,傻更更但係夠天才。」

放大圖片

原本普通一個櫻木花道公仔,阿感做了加工,戴上耳筒及自己打籃球贏的獎牌,頓時生猛曬。

放大圖片

女友不在港,阿感便會好心急返屋企跟她微信。書枱電腦的桌面更是二人甜蜜照,十分癡纏。

放大圖片

睡房專登買 king size大牀,一家四口晚晚攬住瞓,十分溫馨。

放大圖片

大頭 Q版巴斯光年及胡迪,購自旺角信和,記者終於發現唔似鄧梓峰嘅巴斯了。

放大圖片

單位平面圖



.[忽然1周]阿感 愛心狗竇
http://veryy8.blogspot.com/2013/03/1-1_8002.html
.[忽然1周]阿感 愛心狗竇
http://veryy8.blogspot.com/2013/03/1-1_8002.html