2013年3月8日 星期五

[忽然1周]借無綫過橋 蒙嘉慧扯高價簽王維基

鬼叫我多人爭!(設計對白) <br><br>自秘嫁鄭伊健後,近日蒙嘉慧養尊處優,早前更傳她替老公即將開的玩具店打骰做老闆娘,但原來日前已秘密與王維基簽約。《蘋果日報》圖片


娛聞樂

借無綫過橋 蒙嘉慧扯高價簽王維基

2013年03月08日

蒙嘉慧年初與鄭伊健在東京秘婚,正式升呢成為「鄭太」。三月底約滿無 綫的她,早前自爆獲王維基高薪挖過檔,又開到聲話睇嚇娘家有無誠意挽留自己。

據知無綫製作資源部總監樂易玲不想花旦流失,除承諾蒙嘉慧新約由每集 1萬加薪至 1.5萬,更提前推出她有份主演、原本播出無期的《仁心解碼Ⅱ》,誠意十足。但向來有性格的蒙嘉慧,呢頭話會考慮,嗰頭已秘密動筆與王維基簽下兩年約,更以 3.5萬一集薪酬力壓張可頤、廖碧兒做一姐。明剃無 綫眼眉。

入行至今未算正式紅過的蒙嘉慧,自與鄭伊健拍拖後,更像不吃人間煙火,未有與其他花旦爭做無 綫一姐。代表作欠奉的她,多次傳出詐病 冧廠、態度囂張,觸怒當時仍在無 綫的監製梅小青等人。年前她更聽男友意見,棄做多年的無綫「親生女」,改簽部頭約,一年只拍一劇,拍拖大過天。

放大圖片

忽然閃婚

與伊健拍拖七年,一直被詛咒過唔到七年之癢。豈料, 1月尾二人在東京古堡秘婚,令好多人大跌眼鏡,亦令伊健嫂人氣忽然急升。

放大圖片

播告別作

本月 18日播出的《仁心解碼Ⅱ》,是蒙嘉慧在無綫的告別作,未知會否有助收視。

搶播新劇利誘

一月尾,「蒙麵戀」打破七年分手定律,在東京古堡秘婚,引起一陣熱話。蒙嘉慧終升呢成為「鄭太」。連日來她亦惹來傳媒追訪,有指她決定收山幫老公搞玩具生意,榮升老闆娘負責揸數。

三月底約滿無 綫的蒙嘉慧,早前卻自爆得王維基高薪挖角,並口口聲話睇嚇無 綫出幾多誠意傾續約。講到出口,樂易玲亦識做,承諾對方新約由現時每集薪酬 1萬,加薪至 1.5萬。每集多 5千,對無 綫來說算是闊綽。為增加誠意,公司更安排蒙嘉慧有份主演的新劇《仁心解碼Ⅱ》於 18日播出。

知情人士透露:「其實樂小姐一向唔係好睇阿 Yo(蒙嘉慧)。阿 Yo早幾年話唔再同無 綫簽經理人約,樂小姐都輕易放生佢就知啦!樂小姐覺得阿 Yo同咁多監製唔妥,應該係個麻煩友,不過公司依家咁 嘅環境,都想留多個人 喺身邊。所以逢親一線生旦嗌走,公司都盡力挽留。今次都算特別,加人工之外又專登出埋套劇,諗住穀穀阿 Yo人氣,都算有誠意啦。本來《仁心解碼Ⅱ》拍完唔夠半年,通常會擺入倉底先,有排都唔會出。早排樂小姐收到阿 Yo俾王維基撬的消息,即刻叫製作部攞出 嚟播。」

放大圖片

唔係咁玩嘢呀!(設計對白)

為𠱁蒙嘉慧續約,樂易玲為對方大幅加薪兼提早播劇,更坐定粒六等對方動筆簽約,難怪周二( 5日)聽到對方已簽約給王維基,表情驚訝。

放大圖片

暗示加盟

雖然政府還未發牌,王維基仍然雄心壯志開劇,並連番向無綫挖角。對於蒙嘉慧的加盟,他先賣關子,但就大讚對方是拍警匪片好材料。《蘋果日報》圖片

放大圖片

爭做一姐

(左起)廖碧兒、林文龍、張可頤及黃日華是 HKTV最紅的生旦,據知身價最高的一姐張可頤(約 3萬一集)也不及蒙嘉慧的加盟價可觀。《 FACE》圖片

放大圖片

8月拍新劇

林文龍與蒙嘉慧先後在無綫合作過三劇,算是難得未傳不和的對手。據知 8月王維基將開警匪劇予蒙擔正,男主角暫定林文龍。《 FACE》圖片

拖無 綫秘密簽約

樂易玲誠意滿瀉,不過原來由始至終無綫都只是蒙嘉慧抬高身價的踏腳石。知情人士續說:「樂小姐今次咁易話為,其實因為阿 Yo周圍同人講,話王維基出到 5萬一集挖佢,加上每日拍劇唔超過八粒鐘。咁好條件,樂小姐收到風即刻搵阿 Yo傾偈。阿 Yo一月中去東京結婚之前,都有同樂小姐傾過,不過阿 Yo話續約言之尚早,等佢旅行完返 嚟再細傾。點知一拖就拖到 2月尾都仲未搵樂小姐。」上月尾,本刊就蒙嘉慧續約一事訪問樂易玲,當時她亦承認心急簽蒙嘉慧,「 YoYo條件好好,我 哋會盡力挽留佢,不過佢話要 啲時間考慮。」

身價壓張可頤

蒙嘉慧對無 綫一味「拖字訣」,對王維基那方亦不斷出口術,指無綫不斷加價挽留她,最後王維基終肯出高達 3.5萬一集給蒙嘉慧。據知今次她的薪酬更力壓無 綫昔日叛將張可頤及廖碧兒。新公司已積極為剛加盟的蒙嘉慧寫新劇本,預計會是她最拿手的「差婆」角色,男主角如無意外將會是她昔日《法證先鋒 I、 II》時的拍檔林文龍。一切準備就緒,難怪蒙嘉慧可以囂爆過娘家一戙。

對於被借過橋,樂易玲似乎還未知情。周二( 5日),她出席活動時,當聽到蒙嘉慧已秘密簽咗俾王維基時,十分愕然。「嚇!應該唔會喎。(係咪 嗰邊條件好,所以佢決定簽 嗰邊?)唔會,以我認識 嘅 YoYo,唔係好睇錢,總之我冇聽過佢簽 咗,以我所知,佢應該仲考慮緊。」至於王維基旗下的 HKTV發言人鄭小姐則答得巧妙:「到時機成熟就會公布,遲 啲你哋就會知。」

鬼叫我多人爭!(設計對白) <br><br>自秘嫁鄭伊健後,近日蒙嘉慧養尊處優,早前更傳她替老公即將開的玩具店打骰做老闆娘,但原來日前已秘密與王維基簽約。《蘋果日報》圖片

麻煩浪接浪

在無綫多年,蒙嘉慧出名得罪人多稱呼人少,尤其是跟伊健拍拖後,工作態度欠佳等負面新聞屢傳不鮮。雖然蒙嘉慧以往拍無綫劇收視都唔差,但今次借無綫過橋,相信難以補鑊。

《爸爸閉翳》

最高收視 40點

放大圖片

蝦細路

07年拍《爸爸閉翳》時,蒙嘉慧公然虐玩同劇童星 Jacky仔(王樹熹),又用指甲弄傷對方,事後 Jacky仔向周刊哭訴,最終要開記招扮 friend平息事件。

《法證先鋒Ⅱ》

最高收視 39點

放大圖片

詐病

07年拍《法證先鋒Ⅱ》時,蒙嘉慧向監製梅小青請假不遂,索性詐病。事件傳遍製作部,令好多監製唔敢用佢。

《 ID精英》

最高收視 41點

放大圖片

教做戲

圖片

08年拍《 ID精英》期間,有傳蒙嘉慧為陪男友打波,不時請病假影響拍攝進度,更當眾寸對手、視帝郭晉安演技差及教對方做戲。



.[忽然1周]借無綫過橋 蒙嘉慧扯高價簽王維基
http://veryy8.blogspot.com/2013/03/1-1_3832.html
.[忽然1周]借無綫過橋 蒙嘉慧扯高價簽王維基
http://veryy8.blogspot.com/2013/03/1-1_3832.html