2013年2月7日 星期四

[壹週刊]張敬軒反骨黐英皇 契媽陳太:佢冇尊重過我!

一一年,跟契爺契媽感情好時,軒仔不時將跟二人的合照放上微博。


探熱針

張敬軒反骨黐英皇 契媽陳太:佢冇尊重過我!

2013年02月07日

一度遭環球唱片雪藏的張敬軒,兩年前得富貴契爺、牆紙大王陳鼎禮關照,揼本開經理人公司力撐,並安排契仔到澳門及內地唱騷,助他拓展財路,契媽陳太去年更斥資六千萬人仔,讓契仔完成在廣州開錄音室夢想!

可惜「兩仔爺」親密關係話咁快就變!有傳張敬軒因為錄音室錢銀數目交代不清,與契爺契媽鬧意見,加上自把自為密謀過檔英皇,令手揸十五年張敬軒賣身契的陳鼎禮,深感不受尊重,拒絕放生契仔。

陳鼎禮太太亦直認與契仔關係不再親密:「佢(張敬軒)冇尊重過我!」

放大圖片

放生我啦!(設計對白)

過契媽嗰關先!(設計對白)

放大圖片

上週三,軒仔跟英皇大隊出席廣州花城匯購物中心開業活動,唱兩首歌袋走廿八萬,他原來未有通知經理人契媽。

放大圖片

跟契爺合作成立經理人公司,簽了內地新人孟楠,軒仔帶她上電台做宣傳,不過跟契爺反面後,孟楠一直被投閒置散。

放大圖片

賬目不清

張敬軒黐住一班英皇歌手出席完在廣西南寧舉行的頒獎禮後,上週三(一月三十日)又再到廣州做活動。自從去年底被踢爆將會由舊公司環球唱片轉會英皇後,張敬軒埋堆出席英皇高層生日派對,又以「有一定可能」,公開默認會做英皇人。

軒仔未敢公開表態,純因尚有手尾。據了解,死結同○九年上契的牆紙大王陳鼎禮、契媽陳太( Kitty Pong)豪擲六千萬,打本給他在廣州開設的錄音室數目不清有關。

「舊年已經傳軒仔同契爺反曬面,除 咗因為契爺想軒仔幫手帶佢個女入行,但搞 咗成年都冇聲氣之外,重點係錄音室投資咗六千萬,但唔知 啲錢使 咗去邊,佢 哋一直都有問軒仔,不過佢到而家都唔肯交代。其實佢哋已經好耐冇見面冇傾偈,就算軒仔想轉去英皇,契媽都唔肯放人,因為覺得契仔好唔尊重契爺。」知情人士說。

放大圖片

○九年軒仔跟契爺擺上契宴, Mani帶住一班英皇歌手出席,可見他與英皇關係密切。

放大圖片

在廣州活動上,遇見海洋公園主席盛智文,軒仔趁機打招呼。

收支不平

據知,錄音室是由契媽和張敬軒合作投資,契媽真金白銀出錢,而張敬軒所佔的投資金額,也是由契媽代為墊支。「軒仔係完美主義者,認為契媽契爺係外行人,唔應該俾咁多意見,後來買 咗好多頂級器材,結果埋單計數超曬支,『兩父子』為錢銀問題出咗拗撬。」知情者說。

錄音器材級數,全國數一數二,但生意一直麻麻,本地歌手只有林子祥、劉美君和譚詠麟租用過,另外亦有些古典樂手和爵士樂手租用,投資與回報無法取得平衡。據知,佔大股份的契媽最近不但提出要收回管理權,更要軒仔償還由她預先墊支的過千萬投資款項。

另覓投資者

同契仔簽有十五年經理人合約的陳鼎禮,兩人上契時大排筵席,契爺契媽和他「一家三口」感情親密;不過契媽陳太日前對本刊記者坦承:「大家已經好耐冇聯絡,我 哋關係已經冇咁密切!」陳太承認和契仔意見有分歧,張敬軒聲稱要專心幕前工作,冇時間打理錄音室業務,至於經理人公司 Star Max Entertainment,亦已全面停工。

「之前有軒仔助手 Bella幫手,依家佢都冇做喇!」

日前(一月三十日)軒仔到廣州出席公開活動,唱兩首歌淨袋二十八萬,甚至即場氹掂大會,以半價租鋪開傢俬店,擁有軒仔經理人合約的陳太坦言未被知會:「個仔扭計,你話做父母會有乜 嘢感受!」

陳太重申契爺陳鼎禮未有參與投資錄音室,她本打算加入新投資者,讓錄音室可以繼續運作,但強調至今未有跟冇再聯絡的張敬軒商量過。

放大圖片

張敬軒錄音室試業時,契爺還專誠到廣州探班,可惜現今已此情不再,「兩父子」已很久未有聯絡。

放大圖片

契爺陳鼎禮和太太 Kitty,打本給軒仔開錄音室、開經理人公司捧新人,現時錄音室管理權已交回契媽,連經理人公司亦不再運作。

一一年,跟契爺契媽感情好時,軒仔不時將跟二人的合照放上微博。

討回尊重

放大圖片

契媽陳太強調雖然和軒仔關係不再親密,但和張母的友情不變。

至於傳聞張敬軒過檔英皇,手持賣身契的陳太說:「直到依家,無論英皇或者軒仔,都冇搵過我 哋傾過,我 哋當軒仔好似仔咁錫,但佢覺得同我 哋相處唔 嚟,真係好無奈!我 哋唔會阻佢搵食,但至少要攞番個尊重,要公平要公正。」

當日和契仔上契,全靠張母一手撮合,對於軒媽,陳太說:「一件事還一件事,我同張太仲係朋友。」

少爺軒

放大圖片

環球高層 Duncan出高價挽留不果,張敬軒早前公開預告約滿後轉會。(《蘋果日報》圖片)

承認有情緒病的張敬軒,心情經常大上大落,一時玩自閉唔願見人,一時又會大發脾氣見人就鬧,性格影響命運,令本來唱得作得的他,入行 10年依然半紅不黑。

得罪高層

為替同事出頭攞公道,竟然大發老脾,衝入當時任職環球高層的陳少寶房間理論,完全唔俾面一手發掘自己入行的恩人,事後有指陳少寶暗示軒仔為人反骨難相處。

兩年交貨

自 08年唱片《酷愛》大賣後,本來答應唱片公司食住個勢再出碟,後因情緒問題,三催四請下,拖足兩年才交到貨,唱片公司最終將資源改捧其他歌手。

一一年,跟契爺契媽感情好時,軒仔不時將跟二人的合照放上微博。

六千萬錄音室

張敬軒位於廣州芳村的 The Village Studios錄音室,佔地三萬多呎,由契爺陳鼎禮太太和張敬軒合股投資,錄音器材連裝修,總額超過六千萬。內籠設計豪華,由物料、噪音控制,以致電力設計,全部由美國的設計事務所總工程師 John Story負責,早前更被列為世界二十名錄音室之一,近期多為古典樂手租用。

頂級設備

採用頂級錄音設備,成本特別高昂,並非一般歌手可以負擔,至今只有林子祥、譚詠麟和劉美君等曾經租用。

放大圖片
放大圖片

附設宿舍

酒店式設計的宿舍,方便樂手和歌手錄歌留宿,服務細心周到。

放大圖片
放大圖片
放大圖片


.[壹週刊]張敬軒反骨黐英皇 契媽陳太:佢冇尊重過我!
http://veryy8.blogspot.com/2013/02/blog-post_8193.html
.[壹週刊]張敬軒反骨黐英皇 契媽陳太:佢冇尊重過我!
http://veryy8.blogspot.com/2013/02/blog-post_8193.html