探熱針
踢走栢文 Jeana 栢芝賣樓救老豆
2013年01月24日試過因為賭債纏身，禍及女兒張栢芝被黑道中人發出江湖姦殺令的鬍鬚勇（張仁勇），又再行差踏錯。上週三（一月十六日），被人在中環、灣仔一帶當眼處，懸掛附有相片的大型追債海報，指他在內地拖欠 200萬失蹤。
據了解，一直孭起成頭家的張栢芝，近半年工作量已大減，但代父還債急在燃眉，只好將手上現值八百多萬的大坑龍濤苑七百呎單位放售，套現救父；而本來住家姐、食家姐的張栢文，因為唔生性被栢芝棄養，跟女友 Jeana（何佩瑜）蝸居跑馬地三百呎蚊形屋。
入黑名單
有關鬍鬚勇的欠債消息，多年來一直沒完沒了，甚至有指他欠下千萬賭債，要離港避風頭。一○年，仍是謝霆鋒太太的張栢芝，為 著夫家面子，打本千萬讓老豆開娛樂公司，希望他可以錢搵錢。但去年八月，鬍鬚勇再出事，牽涉一宗裝修報價糾紛，涉嫌替人出頭恐嚇店鋪老闆，雖獲撤銷控罪，但為怕栢芝責怪，他一直十分低調，希望淡化事件。
「雖然賭錢出過事，不過鬍鬚勇依然一日賭到黑，佢以前一直幫襯開油麻地一間雀館，早排佢去打麻雀，因為太多小動作，俾人當場捉到列入黑名單，以後唔入得。有一段時間佢有聽個女話做生意， 喺馬來西亞買樓花。今次又出事，但栢芝孝順，次次都幫，而家鬍鬚勇住緊名城個千呎單位，揸住 嗰架 Benz，全部都係栢芝名下。」栢芝身邊人說。
電話嘈交
有孝順女放水，被人公開追債，鬍鬚勇依然當無事發生。上週四（一月十七日）下午兩點，鬍鬚勇揸車由沙田屋企出發，到他打躉的佐敦渡船角附近的茶餐廳搵朋友吹水，記者上前問他被追債一事，鬍鬚勇擰歪面扮聽唔到，即閃。
老豆欠債，鬱嚇百萬計，近年 孭飛電影連環仆，工作量已大減的張栢芝，為今之計，只好賣樓套現，手頭有多個物業的她，早前將一一年以四百多萬買入，位於大坑浣紗街的龍濤苑放售。
「栢文同 Jeana一直住緊呢間屋，栢芝要佢 哋搬走，栢文又冇做 嘢，咪搵咗間三百呎，月租唔過萬五蚊 嘅細單位頂住先囉，最慘係 Jeana，本身係購物狂，以前仲有間房可以放衫，而家間屋咁細，佢都唔知點算。早排 Jeana要留 喺馬來西亞開工，根本冇時間執 嘢，搞到同栢文成日 喺電話嘈交。」知情者說。
搾乾
一直被屋企人視為人肉提款機的栢芝， 10年復出不斷拍戲吸金，片酬每部過千萬人仔，雖然收入過億，不過搵得嚟使得去，加上張家上下個個不事生產，栢芝每月供養父母兄弟一家大細，最少要 50多萬，加上老豆失驚無神欠債，阿媽投資酒樓執笠收場，兩個細佬一個無業（栢文），另一個收入有限錢（豪龍），個個習慣伸手。近年栢芝工作量大減，急住填氹，唯有賣樓套現。
.[壹週刊]踢走栢文 Jeana 栢芝賣樓救老豆
http://veryy8.blogspot.com/2013/01/jeana-jeana-o_24.html.[壹週刊]踢走栢文 Jeana 栢芝賣樓救老豆
http://veryy8.blogspot.com/2013/01/jeana-jeana-o_24.html
