2013年1月3日 星期四

[壹週刊]苦盡甘來 陳敏之失獎坐正

屙金呀!(設計對白) <br><br>牛大哥食飽即屙,差點中招的她嚇到指住大叫:「佢屙屎呀!」


探熱針

苦盡甘來 陳敏之失獎坐正

2013年01月03日

年前憑《怒火街頭》裸跑鳳姐「貞貞」一角捧走台慶頒獎禮女配角獎的陳敏之,雖然今年連提名都無份,卻得公司繼續俾機會,安排她與郭晉安合作新劇《法網囂雄》,坐正做女主角正式位列一線。

榮升女一

按照無綫捧人慣例,攞到配角獎,等同得到升做一線的入場券。終於輪到入行十一年的陳敏之,繼楊怡、陳法拉後,正式坐正,與郭晉安、曹永廉、李思捷、滕麗名及李詩韻等合作輕鬆喜劇《法網囂雄》(暫名)。

日前陳敏之與劇中飾演她男友的郭晉安拍外景;是日劇情指二人揸車到鄉郊遇到有牛阻路,陳敏之自告奮勇,落車氹牛,又跳舞又拉繩再傾埋偈,求牛牛讓路。

放大圖片

尿長流

陳敏之顧住做戲,牛尿長流都唔知。

放大圖片

終於氹掂

陳敏之終於氹掂牛牛抬高頭,不過牛大哥個樣,似乎唔多願意。

放大圖片

敏之在《法網狙擊》出場時扮鳳姐臥底,更有泳衣練水戲,只要公司要求點露都得,夠聽話。

放大圖片

同郭晉安第二次合作,兩個埋位已經有曬默契。

牛有三急

莫講話劇情要氹牛,實情牛大哥牛唔飲水 㩒唔到牛頭低!任陳敏之出盡法寶,牛大哥只顧低頭食草,點都唔肯望鏡頭,食飽仲突然牛有三急,屎尿齊放,企正牛大哥八月十五後方的陳敏之幾乎中招,嚇到嘰呱大叫。

「好驚險,我唔知佢會賴屎,差 啲俾佢噴中。原來 氹牛真係好難,等 咗好耐,佢先肯俾個正面我 哋拍。」陳敏之說。

榮升第一女主角,陳敏之說感激監製林志華及公司俾機會,第二次同郭晉安合作,她覺得同對方相當有默契。

「成套劇 嘅演員都差唔多合作過,加上係拍喜劇,可以輕鬆 啲。之前拍《東西宮略》反而有 啲驚安仔,佢始終係高我好多 嘅前輩,但合作過就發現佢玩得又冇架子,加上我未試過做夏迎春呢類姣角,初初好大壓力,安仔都有教路俾意見,今次再合作感覺更加熟絡。」陳敏之說。

放大圖片

在中環拍外景,見到參加 party的途人扮星戰白兵,一班演員爭住合照。

放大圖片

與安仔在上水假日農場拍「牛牛」戲,遇見來郊遊的師奶 fans嗌合照,安仔有求必應。

繼續出位

另一場戲,講敏之姐夫,個腦有問題的曹永廉做了對安仔唔住的事,於是攬住他跪地認錯,嚇到敏之同李思捷眼定定。繼《大太監》安德海後,曹永廉又一出位角色。

未婚媽媽

新劇中的敏之飾演單親媽媽,跟小朋友做戲,同跟動作一樣有難度。



.[壹週刊]苦盡甘來 陳敏之失獎坐正
http://veryy8.blogspot.com/2013/01/blog-post_8327.html
.[壹週刊]苦盡甘來 陳敏之失獎坐正
http://veryy8.blogspot.com/2013/01/blog-post_8327.html