娛聞樂
財色兼收 施暴男白健恩暗嗒有米莊思敏
2013年01月11日
全城期待新劇《法網狙擊》內高海寧的一場被姦戲，終在本周播出。劇中飾演有錢仔的白健恩，強暴 34D乳神高海寧，恨死唔少高登仔，但原來他在現實中的感情生活亦一樣惹人妒忌。
據知他在大半年前暗交拿督女莊思敏，兩人發展神速。上周六（ 5日），本刊發現兩人在首映禮上互不瞅睬，私底下卻連體行商場，二人更在女方座駕談情半粒鐘。
有幸攬半裸高 Ling，私底下又暗嗒有米莊思敏，白健恩認真財色兼收。
白健恩，兩年前參選港男輸俾翟威廉，隨即與無綫簽下普通藝員合約。 3年來，他拍過多套劇集及舞台劇，可惜仍未有一套代表作，直至近日他在《法》劇，因強姦半裸高 Ling才響朵。過往由於他知名度不高，大眾對他的感情生活一無所知，事實上他在短短半年間已俘虜拿督女莊思敏，兩人更秘密行埋大半年。
人前刻意避忌
上周六（ 5日）晚，記者發現白健恩與莊思敏在圓方商場一間餐廳食飯。其間，外表怕醜的白健恩，滔滔不絕發表偉論，冧得女方笑到卡卡聲兼彎曬腰，表現甜蜜。食完飯，兩人在附近商舖行半小時，沿途有講有笑，恍如熱戀中的小情侶。之後，他們忽然分開行，前後腳到戲院出席首映禮。席間兩人還各據一方，互當透明，相當避忌。約 10時，首映禮未散場，兩人又急急腳離開。莊思敏率先落停車場攞車，緊隨其後的白健恩則在旁等候。上車後，兩人繼續依偎密斟，足足傾近半小時，莊才駕車雙雙離去。
拍舞台劇撻著
據知去年白健恩與莊思敏合作舞台劇《滋．情．識．趣》而熟絡。之後兩人更齊齊拜詹瑞文太太甄詠蓓為師學演戲，每周一堂。知情者透露：「 Ronan（白健恩）份人怕醜又慢熱，起初都唔敢同阿 Jac（莊思敏）傾偈。係阿 Jac撩佢傾偈打開話題，佢哋先開始熟絡。 Ronan成日喺我哋面前讚阿 Jac，話佢好爽朗，帶俾身邊朋友好多正能量。我哋都笑佢暗戀人，但估唔到佢哋行埋得咁快，依家 Ronan仲不時上阿 Jac間時裝店幫手。」
周日（ 6日），白健恩大方向本刊記者承認密會：「我哋有時間都會約出嚟食飯，幾啱傾呀！我最怕啲好黐身嘅女仔，而阿 Jac份人好爽，我亦鍾意呢類型女仔。（你同阿 Jac有機會再發展？）唔排除呢個可能性㗎，不過暫時我都以工作為重先囉。」
至於莊思敏亦明言：「嗰晚知道佢會去睇首映，咪約出嚟食飯。我份人好冇安全感，唔需要一個好有錢嘅男友，只係想搵個性格平實、乖啲嘅男仔。（ Ronan都係呢類喎？）哈哈，佢都係好乖又怕醜嘅男仔嚟，但我哋依家只係好朋友咋！」兩人異口同聲否認是拖友，但又互笠高帽，似乎想低調發展戀情。
剝衫騷肌
31歲的白健恩，曾於香港演藝學院主修音樂劇舞。 2010年，他落選港男後，與無綫簽下普通藝員合約，先後拍過劇集《幸福摩天輪》、《衝上雲霄 II》、《愛•回家》及《雷霆掃毒》等，亦參與過《突然獨身》、《彩色青春 A-Go-Go》及《伊典禁章》等多套舞台劇演出。而在《突》和《伊》舞台劇，他更有半裸、只穿著貼身短褲的大膽演出，可見他對自己健碩身材充滿自信。
有女人緣
落選港男白健恩，由於五官四正，身材健碩，除了 冧得掂莊思敏外，就連細妹莊思明和一眾港姐，亦與他頗熟，經常有聚會。
.[忽然1周]財色兼收 施暴男白健恩暗嗒有米莊思敏
http://veryy8.blogspot.com/2013/01/1_5605.html.[忽然1周]財色兼收 施暴男白健恩暗嗒有米莊思敏
http://veryy8.blogspot.com/2013/01/1_5605.html
