真面目
東窗事發 偷會北京有米前度 楊怡怒趕謙謙出家門
2012年12月26日33歲楊怡同 28歲羅仲謙自從 9月「車震」事件後，姊弟戀由地下蒲上面，羅仲謙不停隔空傳情，只是楊怡似乎唔多受，次次冷淡回應。
楊怡升呢做出爐視後，連身為另一半的羅仲謙亦開心到眼濕濕，表面睇落愛情事業兩得意，但最近有傳楊怡與謙謙頒獎禮前一個月嘈咗一鑊，原來之前紀律唔多好的大隻謙，同傅穎掟煲後，仍同北京有米女友藕斷絲連，更經常 WhatsApp通電話，搞到楊怡嬲到爆，怒踢謙謙出將軍澳的同居竇。
楊怡上年拍攝《 On Call 36小時》同細過自己 5年的羅仲謙成為「好朋友」，楊怡更把自置價值六百多萬的將軍澳 1,200呎領都單位作為兩人的愛巢，謙謙唔使再踎大埔村屋。
羊羊脾氣大
雖然話啱啱拍拖係最甜蜜，但最近有傳楊怡早前拍攝《仁心解碼 II》時，因飾精神分裂症病人過分投入，在拍劇期間要匿喺 VIP房內化妝兼經常發脾氣，知情者說：「楊怡拍緊《仁心 II》嗰時，成個人都變曬，連啲梳頭化妝都怕咗佢，又試過勁鬧啲 PA，個個都話楊怡變曬！」
楊怡脾氣大，據知兩人已經常因小事而嗌交，但最慘係謙仔的北京富家初戀女友死穴被楊怡斷正，曾令楊怡火燒心，怒趕謙仔出家門。
據知情者說：「個北京女姓蔡係 ABC， 05年已經同謙仔拍拖，因阿爸喺北京做生意，所以去咗北京生活，因為佢係謙仔初戀女友，雖然佢哋話分咗手，但佢哋仲有 keep住聯絡，仲要雙方都有協議話唔介意大家各自有拖拍，年頭嗰陣謙仔仲飛咗去北京同佢見面偷會，後來楊怡發現咗謙仔同個北京妹仲有聯絡就嗌咗場大交，阿怡仲趕謙仔出門口，叫佢返大埔瞓喎！」
據知謙仔一直努力想補飛，經常借傳媒同楊怡傳情，上月喺馬來西亞的電視頒獎禮得獎後，公開多謝楊怡，但楊怡其實好憎佢成日將感情嘢擺上枱，據知兩人已由半同居變成各住各，謙仔要補飛，要諗嚇新橋啦！
重踎村屋
上月尾，經已遭楊怡趕回大埔村屋的羅仲謙，與助手外出 shopping及食飯後回去大埔的村屋寓所。
唔敢多講
本月中，楊怡獨自一人去尖沙咀購物，濕平完便駕車回到「領都」的寓所。
合照速閃
在大馬電視頒獎禮中，羅仲謙憑《 On Call 36小時》攞「我最喜愛電視男配角」時，於台上公開多謝楊怡，但楊怡只說：「呢個人未使多謝住。」合照時楊怡又先行急步閃人。
唔敢多講
上週日（ 15日）本刊到羅父的髮型屋，問他謙仔最近搬回大埔村屋時，羅父一見記者就話「唔好搞我，唔好再搵我啦！」
徐子珊失獎有補償
楊怡與徐子珊由頒獎禮鬥到出面，楊怡奪視後，就要 encore拍續集，而徐子珊失落視後寶座， TVB為安撫佢，特意為子珊開拓大陸市場，賺現錢最實際！
楊怡 狂拍續集
早前與徐子珊、方中信、蒙嘉慧等拍《仁心解碼Ⅱ》後，楊怡一直處於休息狀態，下年開拍的《 On Call 36小時》續集，無綫特意急召吳啟華回巢，做新加的醫生角色。
徐子珊 接大陸劇搵錢
TVB為安撫子珊，除了落實開拍的《神槍狙擊 2013》外，已承諾新一年會讓她接拍 2個大陸劇及登台騷。據知早前已有一套清裝劇及一套女強人的劇種洽談中，如今無綫肯放行，子珊進軍大陸好快成事啦！
.[FACE]東窗事發 偷會北京有米前度 楊怡怒趕謙謙出家門
http://veryy8.blogspot.com/2012/12/face_27.html.[FACE]東窗事發 偷會北京有米前度 楊怡怒趕謙謙出家門
http://veryy8.blogspot.com/2012/12/face_27.html
