2012年12月27日 星期四

[壹週刊]楊怡怕散唔認羅仲謙

你都冇六嚿腹肌!(設計對白) <br><br>我有六合一嘛!(設計對白) <br><br>謝天華扮 Mr.Law(紅圈)代羅仲謙簽名送上長期飯票,楊怡 冧到不停笑。


同你吟一吟

楊怡怕散唔認羅仲謙

2012年12月27日

回馬槍砌低大熱徐子珊,成為首屆民選視後 嘅楊怡,上個禮拜二(十二月十八日)現身葵芳宣傳新劇《法網狙擊》,表現風騷,就算俾人將戀情擺上 枱,一樣四萬咁口。

當日大會安排一眾男女演員分組同對手示愛,楊怡同男主角謝天華一啤,男方跪地獻花話:「請你嫁俾……佢!」楊怡反擊:「邊個佢呀?」

問 嚟都多餘,攞到「飛躍進步男藝員」 嘅梁烈唯加把嘴:「你攞獎喊 嗰個呀!」就連「傑出演員大獎」得主許紹雄都唔執輸:「好謙虛 嗰個呀!」楊怡聞言得一個表情:含春冧笑!之後謝天華 響巨型長期飯票下款寫住「 Mr.Law」,楊怡都只係扮嬲用八月十五撞開謝天華,任玩唔嬲。

戀情遊上水面,楊怡承認有打過俾喊包羅仲謙安慰,至於幾時會公開戀情?楊怡話係兩回事,只希望三連霸視後。又係喎,舊年胡杏兒黃宗澤一講即散,有辦你睇,呢味 嘢,好邪㗎!

放大圖片

攞到首屆民選視後,陳敏之、陳煒爭住向楊怡獻吻!

放大圖片

雖然梁烈唯、黃智雯今次唔係飾演情侶,不過「關二哥」、「關二嫂」全日黐到實,老公仲幫老婆整頭髮。

放大圖片

大會安排「傑出演員大獎」許紹雄向「飛躍進步女藝員」黃智雯示愛,點知許紹雄食螺絲講到一 嚿 嚿,黃智雯睇唔過眼反客為主,手腳並用纏住對方。

放大圖片

森美突然抱起陳敏之,嚇到佢合埋眼尖叫。



.[壹週刊]楊怡怕散唔認羅仲謙
http://veryy8.blogspot.com/2012/12/blog-post_8704.html
.[壹週刊]楊怡怕散唔認羅仲謙
http://veryy8.blogspot.com/2012/12/blog-post_8704.html