2012年12月27日星期四

馬賽未打先輸

2012年12月27日

又有劇開嘅馬賽，最近孖住出爐民選視帝黎耀祥，仲有陳豪、陳法拉一齊拍新劇《傳愛事務所》。

飾演𡃁模嘅馬賽，上星期二（十八日）同陳智燊響跑馬地拍外景，埋位前，馬賽無時無刻叫髮型師幫佢梳靚個頭，又預備咗幾個髮夾，固定前額頭髮保證唔走樣，比真正𡃁模更入戲。

八珍聽講同佢咁高咁大嘅高海寧，會喺劇中同胡楓搞忘年戀，照秤馬賽角色明顯「蝕章」，所以閣下都唔使太介意個髮型係點，反正無補於事。

馬賽姿整，英國長大嘅陳智燊就當街攝衫入褲頭都冇所謂。

車窗當鏡