2012年11月22日 星期四

[壹週刊]黃金機會 《最佳男主角》招財 黎芷珊發威賺多五十萬

黎芷珊近日人氣和荷包都大有進賬,而且是今年台慶「最佳主持人」大熱,攞獎十拿九穩。


探熱針

黃金機會 《最佳男主角》招財 黎芷珊發威賺多五十萬

2012年11月22日

聖誕農曆新年都是娛樂圈藝人搵銀黃金期,外快收入隨時多過電視台全年人工,主持訪談節目《最佳男主角》帶挈人氣暴升的黎芷珊,往年假期騷拍烏蠅,今時今日身價急升至五萬,還大把客爭住用,單是十二月聖誕檔,已十幾個騷揸手,快賺五十萬。

騷價升四倍

黎芷珊碌盡人情咭,搵埋舊情人做《最佳男主角》嘉賓,贏盡收視。雖然主持騷錢雞碎咁多,但節目帶挈人氣暴升,三級跳升呢做台慶司儀,更重要是有機會搵街外錢,荷包腫脹。

「個節目未播完,已經好多客要搵芷珊做 job,騷價仲升 咗四倍都唔止,依家淨計到十二月,起碼接 咗十幾個騷,成五十幾萬落袋,非常和味!」知情人透露。黎芷珊現時的接騷價由四萬到五萬不等,仍然大把人爭住用。

由主持兒童節目開始,黎芷珊在娛樂圈渾渾噩噩廿幾年,終於發威,背後要多得細她十二年的前度男友張達倫;早前接受訪問時,自爆是前度鼓勵她主動爭取做個人節目,張達倫更忽然現身,搞到黎芷珊感動爆喊。

放大圖片

騷價四級跳的黎芷珊,截至十二月已接下十幾個大小活動,豬籠入水。

放大圖片

黎芷珊以往跟著一班娛樂記者行家一起跑新聞,現在卻搖身一變成為追訪對象。

台慶攞硬獎

「《最佳男主角》呢個節目其實早 喺兩年幾、三年前已經度好,當時只係諗放 喺收費台做,後來因為人事變動擺埋一邊,今年年頭餘詠珊先攞番出 嚟。」餘詠珊是無綫收費電視娛樂新聞台的開台功臣之一,而黎芷珊則從開台做到現在,兩人交情非淺。

搏到有運行!已經籌備下一 round《最佳女主角》的黎芷珊,是今年台慶「最佳主持人」和「最佳綜藝節目」兩獎大熱。「呢兩個獎唔使公投,齋計高層同幕後票,芷珊已經數夠票,攞硬『最佳主持人』大獎。」一名無綫幕後人說。

放大圖片

黎芷珊和關心妍齊齊上《範後感》做嘉賓,黎芷珊被前男友張達倫搞到泣不成聲,關心妍講起一段經歷生死的辛酸,亦忍不住落淚。

放大圖片

無綫娛樂新聞台出身的芷珊,投桃報李做範振鋒和黎國輝(阿感)的新節目嘉賓。

放大圖片

黎芷珊和張達倫拍拖九年,一直感情穩定,可惜最後也因為年齡差距,決定分手。

放大圖片

謝霆鋒在《最佳男主角》自爆患皮膚癌,成為一時話題。

司儀有價

年底到農曆新年是歌手狂接商場騷,電視台主持人做企業公司的週年晚會旺季,騷錢萬萬聲,兩個月快錢,好和味。

陳芷菁

星級司儀,兩文三語無難度,經常為企業公司周年晚會做司儀, job價九萬起跳,聖誕加春節檔,收入起碼過百萬。

黎芷珊近日人氣和荷包都大有進賬,而且是今年台慶「最佳主持人」大熱,攞獎十拿九穩。

李浩林

曾任職 衞星電視音樂台主持的他,在內地亦有一定知名度,是不少時尚品牌活動指定司儀,騷價同樣是九萬起;黃金搵銀期兩地通吃,收入亦以百萬計。

楊洛婷

雖然知名度稍遜,但精通英語和廣東話,受到不少中小客戶歡迎,騷價約兩至三萬不等,年尾兩個月收入,隨時蓋過無 綫全年人工。



.[壹週刊]黃金機會 《最佳男主角》招財 黎芷珊發威賺多五十萬
http://hk8news-e.blogspot.com/2012/11/blog-post_7027.html