2012年10月16日星期二

網民鬧爆《爆足一周》查小欣遲足一周追緋聞

鬧爆查小欣　遲足一周追緋聞

2012-10-15 23:00:57

上星期俾網民鬧爆、查小欣主持嘅《爆足一周》噚晚又嚟喇，仍然冇令人跌眼鏡，內容繼續冇進步。噚晚出街嘅《爆足一周》，查小欣率領一班主持追訪蘇永康同廖碧兒嘅緋聞，仲煞有介事咁請康仔親自回應。

單緋聞係周刊10月3日爆出嚟，佢哋噚晚先出街，節目不如叫「遲足一周」仲貼切。

最搞笑係成班主持好似讀心神探上身咁，圍埋數康仔嘅說話動靜有乜疑點，康仔飲水又話呢個動作係自我保護嘅表現，勁搞笑。《爆足一周》繼續翻炒舊料，第二集收視一樣冇進步維持17點收視，不過附加三宗投訴，觀眾鬧爆節目沉悶喎。

查小欣煞有介事追訪蘇永康的緋聞，被鬧爆遲足一周。