媽咪姐手帳
近年周星馳掛住炒樓炒舖，都無咩新搞作，佢禦用嘅男配角吳孟達，就同大部分藝人一樣，北上拍劇拍戲搵人仔。早前嘅賽馬日，竟然喺馬場見到達哥，咁耐無見，媽咪姐本來打算同佢打個招呼，但俾佢嘅玄壇面口嚇窒，之後中場休息，佢又入咗餐廳繼續刨天書。
見到達哥咁款，諗番起廿年前佢因為豪賭向銀行借錢，最後搞到被銀行申請破產。受過教訓，達哥依家應該唔會賭身家啩。 ####
開跑期間，達哥一手拎煙，一手拎天書，睇住馬匹衝去終點後，成個人謝曬，塊面成隻八筒咁 。
達哥一入到日式餐廳，繼續用心刨天書，刨到頭耷耷（右圖），之後又撐住頭發呆。
當日盧惠光（右）都有出現馬場，西裝骨骨嘅佢，一樣面無笑容。戰績如何？唔使問啦，係嘛！
847期
