黃紫盈處女騷 黃婉曼仆住寸
無綫前新聞小花黃紫盈昨日在旺角出席鞋履品牌Mel專門店開幕活動，同場有師姐黃婉曼和歌手吳若希等。
黃紫盈處女登場，出動蔡卓妍（阿Sa）禦用髮型師Mike、佘詩曼禦用化妝師Chris設計造型。雖說是首次行騷，但她表現淡定閃亮，全程展露燦爛笑容。不知有心或無意，她曾兩度俯身整理所穿的鞋，但卻力保不失無走光，相對經驗多的黃婉曼出場時險仆，認真失威。
【C女郎】
■黃紫盈（右）形容與黃婉曼僅屬擦肩而過的舊同事，但在活動相遇即攬腰扮老友。
攝影：葉君海
保密未來動向
黃紫盈被稱為「淚的小花」，一滴眼淚值萬金，有傳其處女出騷價與姐仔岑麗香同級收5萬酬金，不過她拒回應身價。有指黃紫盈轉職公關？她又迴避說：「如果有新消息再同大家講。𠵱家放假，所以心情輕鬆好多，放假唔想講工作。」目前自由身的她透露未有經理人公司主動接洽：「我冇concept，亦都唔太熟（行情）。」網民再發起熄電視，明晚罷睇無綫台慶，黃紫盈透露明晚不在港：「每年（台慶）我都忙緊新聞。」而有報道訪問多個業界專業人士如律師、醫生等，均指摘無綫劇集失實，黃紫盈忌諱回應：「平時好少睇劇。」
黃婉曼提到出場險仆，即笑說：「好瘀呀！好彩冇仆低咋。」曾在無綫報天氣的她，原來和黃紫盈以前僅是擦身而過的同事，不過她仍關心黃紫盈：「我有問佢動向，但佢好似好神秘咁，咁我覺得OK，後生女做自己開心事，有乜嘢想試就試，我仲叫佢enjoy第一次，不過見佢都好有計劃。」
■黃婉曼行騷時險仆倒，面露慌張神色。
對於有傳紫盈行騷價與岑麗香同級，問到婉曼騷價，她笑說：「咁其他嘉賓又會比較，我有對靚鞋就得喇！我好知足常樂，叫佢請食餐飯囉，佢咁高價錢嘅話。」黃紫盈被指眼淚值錢，婉曼就暗寸說：「咁女人都係開心嘅好，唔好成日喊。」
採訪：黃曉妍
■黃紫盈、黃婉曼與眾嘉賓吹泡泡賀鞋店開幕。
足本收睇《亂噏24》x 楊千嬅；影帝張家輝接力上陣！
周一至周五《亂噏24》約定你：http://bit.ly/appletalk24
.黃紫盈處女騷 黃婉曼仆住寸 黃婉曼,
http://hittt.blogspot.com/2013/11/blog-post_5695.html.黃紫盈處女騷 黃婉曼仆住寸 黃婉曼,
http://hittt.blogspot.com/2013/11/blog-post_5695.html.黃紫盈處女騷 黃婉曼仆住寸 黃婉曼,
http://hittt.blogspot.com/2013/11/blog-post_5695.html.黃紫盈處女騷 黃婉曼仆住寸 黃婉曼,
http://hittt.blogspot.com/2013/11/blog-post_5695.html.黃紫盈處女騷 黃婉曼仆住寸 黃婉曼,
http://hittt.blogspot.com/2013/11/blog-post_5695.html
