薛芷倫 美國學煮餸 M1,

2013年10月24日星期四

薛芷倫　美國學煮餸 M1,

Fanny說 San Francisco Cooking School的烹飪課好受歡迎，「米芝蓮大廚教嘅班，三、四個月前就 book滿曬。」

名氣生活

薛芷倫　美國學煮餸

美國潮興 foodie，講求食物質素和營養，追求健康的生活態度。 Ball後薛芷倫專程花兩個月時間，去了美國三藩市學習烹飪，感受 foodie的生活模式，「我相信一種講法，『三分靠運動，七分靠飲食』，而 foodie係依家最 hip、最 in的名詞，他們對食物有熱誠，會上 cooking class學習正確烹調方法，保存食物營養，煮出美味而不肥膩的食物，健康生活方式，煮食是重要的一環。」

最愛甜品

經歷過一場大病的薛芷倫（ Fanny），自言要追求健康的生活方式，「做運動可以做到好靚身形，但更重要係在廚房發生，煮乜嘢俾自己食，就決定了自己的身體狀況。」為了學習健康的烹調方法， Fanny飛去三藩市上了不同的 cooking class，「三藩市係一個 foodie嘅城市，嗰度有好多新派 I.T.人，好識享受生活；而健康生活係一種 lifestyle，有啲人飲幾日果汁，唔食嘢去排毒，我覺得健康唔係咁形式，而係一種生活方式，用嘅化妝品、屋企日常用品，都要無化學物質避免環境汙染，煮食方法都要健康。」

今次 Fanny上了三種不同的烹飪班，她先在 San Francisco Cooking School學煮宴客的菜式，「佢哋採用開放式、非傳統教學方法，老師唔會示範，就好似美國著名飲食節目《 Top Chef》，俾有限材料，喺一段短時間，用呢啲材料創作一味餸，老師會睇我哋煮成點，再教我哋。」這種學習方式，學生要對烹飪有一定的認識，同學大多是 foodie，「我哋會一邊品嘗紅酒，一邊煮餸，煮好之後就圍埋一齊食，互相交流。」

第二種是 home cooking，學煮的是家庭菜， cooking school環境好特別，老師會在自己家中上課，「佢哋屋企由大貨倉改裝而成，高樓底、大窗門、大廚房，飲住酒聽住音樂，你會覺得煮餸好有樂趣，學完好想返屋企煮俾心愛嘅人、親人食。」 Home cooking唯一缺點就是要對着大火爐煎、炸、炒，「煮完餸就好似打完仗咁。」

Fanny學的第三種菜式就是甜品，亦是她今次煮食之旅最喜歡的課程，她甜蜜蜜的說：「如果要我煮俾心愛嘅朋友、屋企人食，我一定整甜品，因為我覺得煮完甜品，個樣都甜啲。」她學整的甜品都比較健康，「今次我學 apple pie、梨 pie、 cherry pie，入面都有生果，我仲學咗一直想學的 macaron。」

住家菜

她飲住紅酒學煮泰菜，「煮完之後我已經飲到 high high哋。」

Home cooking的同學多是主婦，都想學些新菜式給家人品嘗。

宴客菜

學生一半跟食譜，一半自由創作，用有限材料煮嘢食。

開壇分享

留美的兩個月， Fanny除上烹飪課，大部分時間都與在當地讀書的兒子馬桂烽和母親在一起，「今次我有好多得着，花好多時間同親人一齊，個心有 peace of mind去感恩，享受生命，諗嘢清晰好多。」她決定在 facebook建立 fans page（http://www.facebook.com/fanny.fitty ），分享她學到的簡單健康食譜、健康運動和 organic產品，「我經歷過生死邊緣大病，得到癌症，而家康復過嚟，我覺得活得健康，係一門好深奥學問，要不斷鑽研同體驗，先搵到一種健康生活方式，我希望喺 fans page同大家分享，幫到人幫到自己。」