三張熟女 撈極唔起 沈卓盈猴擒嗌嫁

探熱針

三張熟女　撈極唔起　沈卓盈猴擒嗌嫁

有份做雞汁節目《 May姐有請》的沈卓盈，在無綫浮沉多年毫無起色，眼見自己已年近三十，唯有箍實男友等嫁人。本刊早前在跑馬地撞見沈卓盈與男友麥偉汶（ Raymond）孖咇買零食，再踩入數碼港睇戲，其間，冧仔無手軟的她，對住男友胸壓熊抱做齊，恨嫁上岸猴擒樣，出曬嚟！

其他影片

無心插柳

○二年參加《 TVB周刊》封面女郎選舉加入無綫的沈卓盈，一直被投閒置散，直到今年在人氣劇《衝上雲霄Ⅱ》擔演 Rachel一角，加上《 May姐有請》成話題，才令她稍為人識。

「 Jess入咗 TVB成十年都冇乜發展機會，就算偶然有劇拍，不過次次都係做閒角，《衝上雲霄 II》可以同鄧梓峰做一對已經好好；佢都冇諗過《 May姐有請》竟然為支雞汁而多咗人留意，其實點爭取都無用，啲嘢整定，講運數！」沈卓盈身邊人說。

攬到實

男友俾錢時， Jess突然攬實男友唔放，唔介意當眾癡纏。

Jess經常被影到跟男友 Raymond行超市買餸玩煮飯仔，日前，二人又拍拖去阿信屋掃零食。

仲未求婚㗎！（設計對白）

羨慕徐淑敏

與做金融的 Raymond拍拖一年，沈卓盈對男友睇得相當緊。

「 Jess之前以為自己同機師男友 Simon打風唔甩，點知話散就散，仲突然間同咗楊秀惠個前度 Raymond一齊；不過自從同咗 Raymond一齊，佢都開始諗結婚，一來見到好姊妹 Suki咁幸福，加上佢嚟緊就三張，係時候為將來打算。 Jess唔多嘢做，大把時間陪 Raymond，佢成日話男友條件咁好，要箍實啲，怕俾人搶咗去喎！」

主持《 May姐有請》的 Jess，每集都只係負責試食讚好，最近因為「雞汁」而多咗人注意。

Raymond同前度楊秀惠也是經常行超市玩煮飯仔。

到數碼港泊好車後， Jess企埋一邊等男友買飛。

見到好姊妹徐淑敏做幸福少奶奶， Jess都想快啲結婚上岸。

○九年拍電視劇《古靈精探 B》， Jess跳鋼管舞有大膽演出。

今年終於在《衝上雲霄 II》，跟鄧梓峰成為一對，唔使再做閒角。

公開煙韌

早前，記者在跑馬地見到沈卓盈與男友拍拖買零食，一個掃薯片一個掃飲品，分工合作，在櫃枱等俾錢時，沈卓盈嗲精上身，公然自動黏貼，對男友胸壓熊抱，熱情到爆！

之後二人上車，直駛到數碼港睇新片《戴安娜》，由落車到行去戲院，恨嫁沈卓盈，全程拖實男友，唔甩得！

無運行

現年 29歲，在無綫超過十年的沈卓盈，憑主持節目《最緊要正字》開始被留意後，有樣有身材的她轉型行性感，但際遇始終不及徐淑敏及高海寧，無法上位做無綫咪神，今年的人氣劇《衝上雲霄 II》中，她有份演鄧梓峰女友，雖然是固定角色，但論搶鏡，卻遠不及一班三點式空姐；在節目《 May姐有請》負責食嘢樣樣 like的她，近日又因為馮美基嗌唔撈，連每星期定期曝光的機會都冇埋，認真運滯！

. 三張熟女　撈極唔起　沈卓盈猴擒嗌嫁
http://hittt.blogspot.com/2013/10/blog-post_31.html. 三張熟女　撈極唔起　沈卓盈猴擒嗌嫁
http://hittt.blogspot.com/2013/10/blog-post_31.html. 三張熟女　撈極唔起　沈卓盈猴擒嗌嫁
http://hittt.blogspot.com/2013/10/blog-post_31.html. 三張熟女　撈極唔起　沈卓盈猴擒嗌嫁
http://hittt.blogspot.com/2013/10/blog-post_31.html. 三張熟女　撈極唔起　沈卓盈猴擒嗌嫁
http://hittt.blogspot.com/2013/10/blog-post_31.html