黃金視窗：陳展鵬重生真相
入行19年的陳展鵬，做過無綫，簽過寶麗金，拍過電影，又去過亞視，誰不知最後還原基本步，重投無綫從頭做起，回歸初期事業繼續處於陪襯狀態，漫長等待過後，一套《真相》令他事業現曙光，難怪他直言：「先死而後生真係啱?，因為有呢啲經歷，先會令啲伯樂畀呢啲機會你。」
撰文：何慧斯
■回歸無綫，經過漫長等待後，一套《真相》才令陳展鵬的事業露曙光。
攝影：陳志嵐
陳展鵬擔正演出的劇集《心路GPS》昨晚（周五）正式完結，劇集播映以來，收視徘徊在20多點，直到結局篇總算衝出30點收視的大關，對於劇集的收視成績，陳展鵬坦言是預計之內的事，他說：「其實預咗?，我唔會介懷，好多朋友話我知好睇，係時候要有啲教育意義嘅訊息畀觀眾，呢套劇嘅題材唔複雜，反映社會，但係拍攝手法、監製要求演員演繹嘅方法都好特別，我鍾意呢個做法。」
曾被監製怒罵
不說不知，原來早在14年前，展鵬與此劇的監製李艷芳已經合作，當時更試過被她「鬧爆」，他笑說：「嗰陣我啱啱訓練班畢業，好怕醜又被動，唔識得表達自己，結果佢叫我收咗工搵佢，但係我等咗半個鐘，見到佢同其他演員食飯，以為佢走咗咪冇等。」他續說：「點知佢第二朝打嚟鬧我點解唔等，仲話我係第一個演員夠膽走，叫我即刻返，我估唔到14年後佢仲記得我，仲話喺澳洲睇咗《真相》，決定返嚟拍劇要搵我做。」
展鵬笑稱多年來不愛應酬的性格似乎改變不大，他哈哈地笑說：「??家好啲喇，我曾經都有諗過呢個問題，但係呢個係我嘅性格同特質，我覺得冇壞，冇必要專登去做一個好活躍嘅人呀！當然如果有機會嘅時候，我都會盡量去發揮，將啲平時冇表達嘅嘢，喺工作度表達出嚟，呢個世界太多叻人，你表達緊嘅只係自己嘅經歷，未必人人啱用，不如做番自己咪仲好。」
■展鵬在《心路GPS》和黃翠如合作，兩人的演出漸被觀眾接受。
劇照
■拍攝《心路GPS》時展鵬非常瞓身，跳海等危險動作也會自己上陣。
資料圖片
■在無綫載浮載沉的日子，展鵬做過不少陪襯角色。
《回到三國》劇照
遇機會勇敢試
言談間發現展鵬未有被不快的經歷打沉，他說：「每一件事都會有佢嘅遊戲規則，有啲人係好有實力，唔需要去應酬，有啲只會係去搵機會，對於實力方面唔會睇得咁重，但係往往成功嘅人係喺中間，我咪就係要攞個中間位，我相信工作某程度上係公平，如果你畀十分出嚟，點都會得番四、五分，或者未必即時睇到結果，我要證明畀自己睇，一個咁大嘅舞台都唔敢上，即係門口狗啫，既然之前儲落咁多嘢，過到嚟之後，有呢個機會咪試囉。」
■展鵬覺得就是要有這些辛苦的經歷，才會有伯樂給予自己機會。
■展鵬在《真相》所飾演的英俊律師，令他成功入屋。劇照
■在亞視的年代，展鵬曾做過月曆人物。
資料圖片
希望再拍電影
展鵬還有感而發地說：「先死而後生真係啱?，雖然唔一定可以走番出嚟，但係好似我自己，雖然呢十幾年經歷嘅嘢好難受，偏偏可能係因為呢啲經歷，先令啲伯樂畀呢啲機會你，辛苦或者堅持嘅底線個個唔同，但係我喺呢段時間儲咗好多嘢。」
展鵬更說：「我哋係要感受個經歷而行，當你有呢啲經歷，就自然到個目標。好似你問我收視唔好，又點點點，我唔會擔心呢啲，攞過獎又點呀？有多啲外快呀？我只係希望將來參與嗰陣，有多啲機會再拍電影，我生活到咪得囉，我希望觀眾鍾意我，唔係因為我著幾靚嘅衫，而係鍾意我嘅諗法，咁我先至可以永恒。當然，我??家覺得好好運同幸福，可以做到自己想做嘅嘢。」
.黃金視窗：陳展鵬重生真相
http://veryy8.blogspot.com/2013/03/blog-post_6510.html.黃金視窗：陳展鵬重生真相
http://veryy8.blogspot.com/2013/03/blog-post_6510.html
