林峯吳千語月內三度蜜遊 返港甜絲絲藏戒指
2月28日，林峯與吳千語自拍拖後，經常推掉電影、宣傳，雙雙甜蜜出遊，兩度蜜遊日本後，兩人又再前往米蘭度假，在短短一個月內三度外出度假，可見兩人的戀情打得火熱。今日清晨林峯一身黑衣由米蘭返港，在記者的追訪下，林峯對所有問題都未有回應，只是面帶不悅地向記者表示自己正在放假，覺得無須向大家交待行程。
相隔大約十分鐘，吳千語春風滿面步出機場，並由一位男性友人接機，但未見千語攜有任何行李，相信行李由男友林峯代勞。問到今次單獨外遊是否同房時，千語bb面露幸福笑意，並與林峯口供一致，同樣表示自己正在放假，不想多談私人事。記者發現千語全程雙手插袋，被問到是否刻意藏起戒指，她就一臉甜笑未有回應，但在千語上的士開車門離開之際，記者發現她手上戴有戒指。
林峯推著三大箱行李出閘。 
吳千語雙手插袋疑似掩飾戴有戒指。 
林峯與千語前後腳走人。
千語BB蜜運心情靚 旅行好「安全」
2013-02-28 21:01:52
剛同林峯由米蘭返港嘅吳千語，夜晚喺跑馬地出席《百星酒店》慶功晚宴，佢坦白承認同林峯去完米蘭再到佛羅倫斯，佢解釋點解要分三次去旅行，佢話﹕「因為中間要返香港工作，所以每次去得好似好短。」好短，係咪即係見得唔夠？佢冧笑表示﹕「之前拍三個幾月劇都想放鬆嚇。」
因為林峯以前係讀建築系，所以今次之行林峯就帶咗女友睇建築物。講到手上嘅戒指，千語BB就否認戒指係林峯所送，亦冇秘婚，佢話﹕「佢冇送俾我，絕對唔會。」咁男女朋友去旅行唔會好似王君馨咁分房瞓？佢一臉尷尬話﹕「太私人唔回應，我哋係嗰邊有朋友。」千語BB強調兩人均唔係教徒。咁可擔心有意外(懷孕)？佢話﹕「絕對唔會，一步一步嚟。」佢點頭表示要婚後先可以生小朋友。
蜜運中嘅千語BB特別多嘢講，佢仲自爆對林峯嘅暱稱﹕「好多人都叫我(BB)，我就叫佢阿文(林峯原名林匯文)。」林峯向來有遲到習慣，BB表示﹕「平時都有呢個問題，有時會催佢，今次(旅行)大家了解多咗。」黃百鳴透露「峯語」未來將合拍新戲《3D鬼眼》，但唔係扮演情侶。可惜。
.林峯吳千語月內三度蜜遊 返港甜絲絲藏戒指
http://veryy8.blogspot.com/2013/03/blog-post_4699.html.林峯吳千語月內三度蜜遊 返港甜絲絲藏戒指
http://veryy8.blogspot.com/2013/03/blog-post_4699.html
