2013年2月2日星期六

新郎成身龍　「型」過九紋龍

現年43歲嘅李丞責，雖曾經歷婚姻失敗，但好快就同09年港姐冠軍、27歲嘅劉倩婷(Sandy)擦出愛火。李丞責2010年4月離婚，同年拍攝電視節目《香港玄案》、與劉倩婷一拍即合。2012年1月求婚成功，今日共偕連理。兩人今晚於The Ritz-Carlton Hotel擺酒，筵開五十幾席。

上晝接新娘嗰陣，一對新人有兩個look，一中一西。中式嗰個，新娘子穿裙褂冇咩特別，特別在新郎……上半身繡龍，褲腳都有兩條龍，古惑仔都冇師傅咁多龍，未知同風水有冇關係？

接新娘一定難逃被玩，眾兄弟被姊妹要求玩掌上壓花糖，兄弟之一何麗全就係咁扭傷腰骨，需返家休息。李丞責仲話﹕「娶到個咁好嘅老婆，委屈啲都要。老婆又靚，又溫柔體貼，純真坦率，品學兼優……」嘩，連讀書成績都數埋？

準備敬茶

禮成﹗出嚟見大家喇﹗

八位數娶老婆　丞丞出力啜到實

李丞責同前港姐冠軍劉倩婷(Sandy)兩人今晚於The Ritz-Carlton Hotel擺酒，筵開五十幾席，但現場係正常三、四十圍，塞到滿曬，而且單係包場喺ballroom嘅攝影師都有十個八個，16個兄弟，12個姊妹，勁。

儀式方面，一早接完新娘，下晝四點就係切蛋糕同合巹交杯、錫錫、拋花球咁。求婚戒指約3至4卡，但結婚戒指幾多卡就唔講。

之前李丞責揚言禮金厚度多到空手道十段都斬唔斷，問佢即係幾多？李丞責話夾埋婚宴，約有八位數。至於成個婚禮，就籌備咗十個月，而且太太唔知有咩玩，希望俾個驚喜對方。

啄埋去咁好熱情咁啜

四唇交疊

合巹交杯

結婚戒指，幾多卡唔講。

一班姊妹發生咩事？搵戒指呀？

齊人合照。姊妹都ok喎。

性感劉倩婷索爆

43歲風水師李丞責同27歲真命天女劉倩婷（Sandy）今晚假尖沙嘴The Ritz-Carlton酒店筵開五十多席婚宴，仲設計咗一個羅庚和後冠併切而成嘅圖案做logo，相當特別。

新娘子以閃爆鑽飾登場，切完結婚蛋糕後，劉倩婷換上另一襲更性感晚裝，高貴迷人。李丞責今次豪花娶老婆，擺最貴每圍約五萬八千元酒席，有金箔菜式，又向記者派利是及餅卡，仲請咗近十名攝影師拍花絮，婚禮預算花費逾千萬。

剛剛榮升爺爺嘅洪金寶都有到賀。

飲多兩杯呀﹗

「我老公每日都俾驚喜我0架﹗」

撥開啲頭髮，等大家影得更清楚。

喬寶寶

由羅庚同後冠併切而成嘅logo。

栢芝媽賀丞丞大婚

李丞責婚禮約晚上七時許開始舉行，陳志雲、洪金寶、吳雨霏、蘇永康、森美等賓客陸續到賀，森美和吳雨霏表示送現金做賀禮。至於栢芝媽媽都有去飲，仲大玩黑絲誘惑添。

栢芝媽悉心打扮賀一對新人。

兄弟姊妹站起來﹗

王浩信夫婦

胡諾言同太太陳琪及曹永廉。

梅小蕙、楊思琦，紅黑紅紅黑。

已為人母嘅曹敏莉仍然咁索，同老公Jacky一齊嚟飲。

錢國偉飲唔到伊健嗰餐，飲丞丞呢餐囉。

林嘉華夫婦

劉德華打bow去飲 Regen脹爆到場

李丞責今日大喜日子，圈中人紛紛到賀，猛人除咗有洪金寶之外，仲有打bow tie嘅劉德華。丞丞更安排兩人坐埋一席。同場仲有已離開HotCha嘅前成員Regen，只見佢豐腴不少，面珠脹蔔蔔，加上髮型問題，一臉富泰之相，就咁睇仲以為佢係邊位闊太。

華仔今晚幾靚仔﹗

打個招呼先啦﹗

同洪金寶大哥有傾有講。

呢位係………Regen@HotCha﹗

莊思敏

華仔影大合照時，亦顧及山頂朋友嘅需要﹗

2013年2月2日 星期六