羅仲謙：叫我陳浩南！
冷飯只要炒得香一樣好食，楊過同姑姑都換過無數面孔，16年前鄭伊健演陳浩南《古惑仔》，今天換了羅仲謙，再由王晶操刀，翻拍電影《古惑仔：江湖新秩序》，一樣有機會劈出一條新血路，當年謝天華、陳小春不也是無名小卒。謙仔說：「我想有一日行出街，啲人叫我浩南，唔係叫羅仲謙！」
撰文：魯萍
《古惑仔：江湖新秩序》上映日期：1月10日
幾多經典電影不是翻拍又翻拍？故事不嫌舊，關鍵在包裝，王晶今次找來文雋聯手監製，起用羅仲謙、梁烈唯、沈震軒等一班影壇初哥演出電影《古惑仔：江湖新秩序》，他依然滿有信心，王晶日前接受本報記者專訪時說：「電影路難行，但永遠需要破舊立新，包裝都要新，有幾多荷李活電影唔係不停重拍？佢哋幾個表現都好好，我今次忠於原著接近漫畫故事，同鄭伊健版好大分別，再講規條內訌念詩，冇人有興趣睇，所以我唯一要求係謙仔做個唔同嘅陳浩南。」
■羅仲謙在電影《古惑仔：江湖新秩序》演陳浩南，觀眾會否想起鄭伊健？
攝影：陳志嵐
場地提供：香港觀塘帝盛酒店
王晶：兩版本畀戲院播
黑幫片包含暴力色情粗口原材料，如要拍得到肉，必是III級版，王晶決定同時推出IIB和III級兩個版，他說：「戲院可以上普通同3D版，點解我唔可以剪兩個版畀戲院播？觀眾永遠鍾意多選擇，入面有好多粗口橫飛、劈友爆樽暴力，有好逼真拍嘅床上戲，一定係III級。」
■王晶（中）能否成功捧伍允龍（左）與羅仲謙上位，拭目以待。
■新一代古惑仔，能否再創神話？
王晶已部署好第二、三集古惑仔系列，羅仲謙能否如昔日的鄭伊健般成功靠此上位？謙仔說：「希望觀眾畀啲空間我哋呢班後生仔，能夠將呢個經典延續落去，我的確寄以厚望，已經催開拍續集，我想有一日行出街，啲人叫我浩南，唔係叫羅仲謙，咁我就成功，最好吸納埋老中青fans。」謙仔在戲中演未上位的泊車仔陳浩南，除了人物性格外，外形更有大分別，謙仔笑言大家都變成潮人：「我哋啲服裝好摩登，不過我想第二集可以好似鄭伊健咁著番皮褸。」
謙仔：同伊健比有壓力
謙仔續說：「性格方面同以前個版就有好大分別，鄭伊健版我係由細睇到大，好彩我做未上位前嘅??仔，兩個好唔同感覺，不過外邊一樣會將我同伊健比較，我會有少少壓力。」
此外，伍允龍演大頭仔一角兼負責武指，謙仔經常拉著他度招，謙仔說：「我叫佢千祈唔好度到有曬招式，爛仔交邊有招式，但原來爛仔交都要經過設計，古惑仔開片一定會用到摺凳，所以我都有要求伍允龍度動作時，畀我用到呢個十大武器之首。」
o靚坤勾義嫂上床
■梁敏儀坦言與o靚坤沈震軒拍床戲感尷尬。攝影：葉君海
就算沈震軒用好刁鑽好新式的方法演??坤，大家焦點都會落在他跟梁敏儀的超激床戲上，飾演牧師女兒的莊思敏就形容：「同真做冇分別囉！」梁敏儀飾演龍頭大佬老婆，??坤殺大佬勾義嫂，加上兩人性格都又癲又喪，所以演了一場癲喪大膽超激床上戲，梁敏儀說：「普通拍性感戲都會尷尬，何況咁激，不過今次合作好開心，佢好專業，拍嗰時都好信任佢。」沈震軒說：「全靠佢信任我，出嚟效果好滿意。」
怕受鎮宇影響
吳鎮宇所演的o靚坤深入民心，沈震軒慶幸之前未睇過吳鎮宇的版本，他說：「拍完戲之後有睇番舊版，好彩之前冇睇過，睇過好容易受佢影響。o靚坤只係個小人物，啪丸吸毒，精神狀態好癲喪，我想用一種唔同方法去演呢個角色。」
■沈震軒和梁敏儀這場大膽床戲，被指恍如假戲真做。劇照
■疑似全裸上陣的梁敏儀，只用手臂遮掩胸部。劇照
唯唯思敏長短腳之戀
■莊思敏在片中是雙性戀者，與山雞梁烈唯演情侶。
莊思敏所演的牧師女兒，有別於莫文蔚演繹的舊版，除了跟梁烈唯演的山雞是一對，也是個雙性戀者，其中一場戲她和一女子在街頭擁吻，不過觀眾未必有得睇，莊思敏說：「配音時見唔到呢場戲，應該cut咗，將我個銀幕初吻封存住都好，拍嗰時成條街都係人，只係擔心影響拍攝進度，唔得閒諗其他問題，不過同女仔kiss都有好處，唔會諗人哋係咪想博懵，少咗避忌。」
研究唔用手爆樽
新版牧師女兒比山雞梁烈唯高一大截，成件事走樣又失格，好彩有群體戲補飛，基本上群毆暴力加色情，兒女私情只作點綴，梁烈唯連點爆樽都有研究，他說：「拍完一場打交爆樽戲，我就諗下一場又爆樽有啲悶，就同伍允龍設計點做，結果度到唔用手嘅爆樽方法。」
林子善靠包皮突圍
■林子善（左）和何浩文因今次合作成為好友。
幾個《古惑仔》主角影海報，羅仲謙、黃貫中、梁烈唯、何浩文，惟獨林子善冇曬肌肉冇紋身，鬥樣鬥身材，他輸足幾條街，30歲人演20歲的古惑仔「包皮」，子善怎突圍？他說：「包皮呢個角色之前林曉峰做過，我會去諗點樣加入新元素，包皮好怕事，但我做到佢怕事得嚟，有事就第一個衝出去，畀觀眾有唔同感覺，其餘幾個人咁大隻，我根本冇得比。」對於當年《古惑仔》的成功，帶挈演員拍了一系列電影，子善也有個希望：「演員想做唔同角色，發揮得更好，最主要係可以搵多啲錢。」
舊版由謝天華演大天二，今次換了何浩文飾演，他為擺脫天華影子，實行角色大改造，他說：「之前個大天二唔多出聲，今次我加少少邪氣，又有啲正義感，天華咬牙籤，我就戒煙，古惑仔戒煙喎！」
.羅仲謙：叫我陳浩南！
http://veryy8.blogspot.com/2013/01/blog-post_7284.html.羅仲謙：叫我陳浩南！
http://veryy8.blogspot.com/2013/01/blog-post_7284.html
