2012年12月19日星期三

[FACE]呃正評　簽做周秀娜師姐　真大胸卓韻芝：我先係佢最大競敵

刻意斯文眼鏡娘 <br><br>週一（ 17日），記者與卓韻芝做訪問時，阿芝貫徹形象，素顏、眼鏡，而且剪埋短髮，仲純情過陳嘉桓 BB，除咗條罅！

真面目

呃正評　簽做周秀娜師姐　真大胸卓韻芝：我先係佢最大競敵

2012年12月19日

高登負評女王卓韻芝上星期在微博上載性感自拍照，不再浮誇轉玩素顏眼鏡低胸 Miss look，成班宅男即刻狗衝爭住正評，截至週一（ 17日），正評已達 1,100個，地位仲急升至跟鍾嘉欣及陳嘉桓同等至「 BB」級數，高登仔身體果然特別誠實。

原來韻芝 BB改變形象只係前奏，最近更簽埋周秀娜間經理人公司，隨時同班剝模同台較量，不過佢話露事業線並非有心，高登仔有幾 like佢亦唔 care：「咪當末日前派特別息囉，睇佢哋 like得我幾耐？」

一向形象前衞、衣著突出，眼皮上嗰兩點，加埋巴巴渣渣性格，卓韻芝一向被視為港仔公敵，在高登討論區中更有「負評女王」稱譽，估唔到最近兩張素顏自拍相，竟然令這港女人辦大翻身。

放大圖片

第一擊掂 <br><br>上星期，阿芝完成咗個劇本後，自稱素顏（有畫眉喎）低胸落街，自拍放上微博，之後再放多張低胸相，高登一樣當寶。

第一擊掂

上星期，阿芝完成咗個劇本後，自稱素顏（有畫眉喎）低胸落街，自拍放上微博，之後再放多張低胸相，高登一樣當寶。

放大圖片

再益街坊

當派特別息囉！真實對白

放大圖片

網友改圖之餘，仲個個勁讚，更罕有地畀正評。

搣甩兩點

卓韻芝自稱四年前「唔覺意」喺眼皮加多兩點，呢個 look就跟咗佢四年。但近來阿芝覺得悶要轉新 look，佢話：「其實我真係冇刻意要轉形象，只係覺得悶悶哋，想改變嚇啫。我呢排不停寫劇本，成 4、 5個月都冇化妝，覺得原來素顏好好 feel。放第一張相上去嗰陣就係完成咗個劇本，終於搞掂一個大 project，開心到要素顏食早餐呀！」 2張相便由負評女王變咗韻芝 BB，阿芝表示：「我真係好少上高登，上高登好麻煩，其實正評、負評都冇所謂， I don't care，我當末日前派特別息，咪睇佢哋 like得幾耐囉！」

放大圖片

穀真胸 <br><br>企定定射喱眼，更挺胸 show quali，不過椰殼胸冇隆但似加墊。

穀真胸

企定定射喱眼，更挺胸 show quali，不過椰殼胸冇隆但似加墊。

放大圖片

掩嘴「笑女」 <br><br>訪問期間，阿芝連笑嗰陣都少女味十足，故意用手遮口遮髀，演技真好。

掩嘴「笑女」

訪問期間，阿芝連笑嗰陣都少女味十足，故意用手遮口遮髀，演技真好。

𡃁模敵人

放大圖片

卓韻芝喺主持《三個女人一個墟》時仍然係巴巴渣渣巫婆 look，同𠵱家嘅形象好唔同。

訪問當日，阿芝堅持穿自備緊身白背心，擺親 post都自動波夾手，但就死唔肯除冷外套扮矜　持。卓韻芝話：「其實我身材一向都係咁，我不嬲都性感㗎啦，我喺商台都係咁，總之每日都要帶畀同事視覺刺激，我三圍你上網都 check到啦！」

突然走性感路線，原來阿芝最近簽咗周秀娜同一經理人公司（ GME），本刊搜遍維基百科及其餘網頁均沒提及阿芝三圍，反而在 GME官網內有她玩嘢自稱 36、 24、 36魔鬼身材，之前喺電台節目《罪該萬死》公開話過周秀娜係敵人的卓韻芝，家陣變咗同門師姐，阿芝就笑話：「𠵱家我先係佢最大競敵呀！其實冇話師唔師姐嘅，年紀上咪係囉，同佢（周秀娜）只係見過一兩次，不過簽呢間公司（ GME）係因為同呢度啲人夾囉！」

而周秀娜對於新敵人加入公司，娜姐表示：「其實同佢（卓韻芝）唔熟，不過多啲人加入都係好事，人多熱鬧嘛，反正我哋公司咁多元化。」化敵為友齊齊搵錢最實際啦！